Beynəlxalq tədbirlər Azerspace-1 ilə yayımlanacaq

03-09-2016 / 14:51

Sentyabrın 3-dən 8-nə qədər Qırğızıstanda keçiriləcək ikinci Dünya Köçəri Oyunları Azerspace-1 peykinin resurslarından istifadə olunaraq canlı yayımlanacaq.

Rabitə və Yüksək Texnologiyalar Nazirliyindən Xeberler.az-a verilən məlumata görə, Azərkosmos ASC və Qırğızıstanın Transfer LTD arasında imzalanan müqaviləyə əsasən, 6 gün davam edəcək yarışların canlı görüntüsü dünyanın bir çox beynəlxalq yayım mərkəzinə Azerspace-1 peyki vasitəsilə çatdırılacaq.

2014-cü ildən etibarən keçirilən Dünya Köçəri Oyunlarına 20-dən çox yarış, o cümlədən at çapma, oxatma, ənənəvi intellektual oyunlar, milli ov növləri üzrə yarışlar daxil edilib. Bundan başqa, yarışlar zamanı köçəri mədəniyyəti nümayiş olunacaq. Bu ilki oyunlarında Azərbaycan, Argentina, Braziliya, Macarıstan, İsrail, İtaliya, Qazaxıstan, Çin, Latviya, Niderland, Pakistan, Rusiya Federasiyası, ABŞ və digər ölkələrdən komandaların iştirakı gözlənilir.

Qeyd edək ki, bu və digər idman yarışlarının eləcə də əhəmiyyətli tədbirlərin Azerspace-1 peyki vasitəsilə yayımlanması Qırğızıstanla “Azərkosmos” arasında davam edən əməkdaşlığın növbəti uğurlu addımı hesab olunur. 2015-ci ildən etibarən Qırğızısatnın ictimai kanalı KTRK kanalı da Azerspace-1 peykinin resurslarından istifadə etməkdədir.

 

Məltəm Talıbzadə 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.