TEXNOLOGİYA

Apple şirkəti digər şirkətlər kimi bütün sahələrdə öz məhsullarının öndə görmək istəyir. Bu istiqamətdə istehsal etdiyi fərqli məhsullar hər zaman istədiyi nəticəni əldə etmədi.

Apple-ın istehsal etdiyi bir çox məhsul haqqında məlumatınız ola bilər, lakin bu siyahıdakı məhsullar haqqında çox adam bilmir.

Xeberler.az bu dəfə Apple-ın bilmədiyiniz 12 məhsulunu araşdırıb.

Oyun kasetləri (1978)

Floppy Disk-lərdən əvvəl yaranan bu texnologiya Slot Machine, Star Wars və Lemonade Stand kimi oyunlar oynamağınıza imkan yaradır.

Apple printer (1979-1988)

Apple bu printeri istehsal etdiyi dövrdə kompüter istehsalçıları öz printerlərini yaratmaq məcburiyyətində idi. Apple-ın istehsal etdiyi bu printerlər 2000 dollardan baha olduğuna görə heç kimə satılmadı.

MacWrite (1984-1994)

Bir vaxtların Microsoft-u olan bu proqram sadə mətnlər yığmağınıza kömək edirdi.

The Apple Collection (1986)

Apple bu dövrdən geyim istehsal etməyə başladı. O zamanlar üçün dəb olan yazılı köynəklər və uzun qollu geyimlər istehsal olunurdu.

Apple Skaner (1988-1997)

Apple Skaner 1988-1997-ci illərdə 2 dəfə yenilənərək istehsal olunmasına baxmayaraq yetəri qədər tanınmadı.

Apple Newton (1993-1998)

Qeyd dəftəri, kalkulyator kimi tətbiqləri ilə istifadəçilərə təqdim olunan Newton az satılmasına baxmayaraq iPhone, iPad-lərin yaradılması üçün təməl rolunu oynadı.

Apple PowerCD (1993-1996)

Apple PowerCD tamamilə Phillips tərəfindən istehsal olunub və üzərinə Apple loqosu vurularaq satılan bir məhsuldur.

Apple QuickTake Camera (1994-1997)

Apple-ın bu kamerası olduqca baha olmasına baxmayaraq dövrü üçün ən yaxşı özəllikləri özündə cəmləşdirirdi. 0.3 meqapiksel kamerası olan QuickTake Camera, 1 MB yaddaşa sahib idi.

Apple Pippin (1995-1997)

Bandai şirkəti ilə birlikdə istehsal olunan texnologiya 40 min ədəd satıldı və 2 il sonra bazardan uzaqlaşdı.

Apple Flower Power iMac (2002)

Apple-in bu dövrdə istehsal etdiyi iMac-lər hər rəngdə istehsal olunurdu. Satışlara görə Apple bütün rənglərə sahib olan özəl versiya "Flower Power"-in istehsalına başladı.

Apple eMac (2002 – 2006)

Təhsil üçün istehsal olunan 128 MB RAM və 40 GB yaddaşa sahib bu kompüterlər bəzi məktəblərdə istifadə olunmasına baxmayaraq uğurlu olmadı.

iPod HiFi (2006-2007)

Bu məhsul iPod-lar üçün nəzərdə tutulub, qiymətinin 350 dollar olduğuna görə çox satılmadı.

 Sevinc Əsədova