Bölgələrdə poçt şöbələrinin texniki avadanlıqla təmin olunmasına dair tender keçirilir

04-02-2009 / 10:22

Azərbaycan Rabitə və İnformasiya Texnologiyaları Nazirliyinin «Azərpoçt» Dövlət Müəssisəsi 2009-cu ildə regionlarda poçtamtın inzibati binası, qəsəbə və kənd tipli poçt şöbəsi binalarının texniki avadanlıqlarla təmin olunması ilə bağlı açıq tender elan edib.

Tender Komissiyasından «APA-ECONOMICS»ə verilən məlumata görə, müsabiqə üç lot üzrə keçirilir. İlk lot üzrə poçtamtın inzibati binasının tikintisi, ikinci lot üzrə regionlarda qəsəbə tipli poçt şöbəsi binalarının tikintisi və texniki avadanlıqlarla təmin edilməsi, üçüncü lot üzrə isə regionlarda kənd tipli poçt şöbəsi binalarının texniki avadanlıqlarla təmin edilməsi nəzərdə tutulub.

Tenderdə iştirak etmək istəyənlər I və II lotlar üzrə 200 manat, III lot üzrə 150 manat məbləğində iştirak haqqı ödəməlidir. İddiaçılar sənədlərini bu ilin mart ayının 5-dək, tender təkliflərini isə mart ayının 16-dək təqdim etməlidir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.