Aztelekom açıq tenderlər keçirir

15-02-2017 / 10:51

Nəqliyyat, Rabitə və Yüksək Texnologiyalar Nazirliy tabeliyindəki Aztelekom MMC-nin tələbatına əsasən informasiya texnologiyaları infrastrukturunun qurulması işlərinin və xidmətlərinin satın alınması üzrə açıq tender elan edib.

Xeberler.az xəbər verir ki, bu barədə  qurumun rəsmi saytında məlumat verilib.

Qeyd edilir ki, tender 2 lot üzrə keçirilir:  1-ci lot hesablama avadanlığı və proqram təminatlarının satın alınması ilə bağlıdır. Burada  iştirak haqqı 1 500 manatdır.

2-ci lot isə server otağı üçün avadanlığın satın alınmasını nəzərdə tutur. Burada da iştirak haqqı 500 manatdır.

İddiaçıların ilkin sənədləri martınm 7-nə qədər, tender təklifi və onun dəyərinin 2%-i qədər bank təminatını isə martın 16-na qədər “Aztelekom”un inzibati binasının yerləşdiyi Bakı şəhəri, Yasamal rayonu, Tbilisi prospekti, 187 ünvanına təqdim etməlidirlər.

Təkliflərə martın 17-da, saat 11:00-da qeyd olunan ünvanda baxılacaq. 

Tender barədə daha ətraflı burada.

MMC maliyyə hesabatlarının auditi xidmətlərinin satın alınması üzrə də açıq tender elan edib.

Belə ki, bu tender  1 lot üzrə keçirilir.

Tenderdə maliyyə hesabatların auditinin keçirilməsi sahəsində uğurlu təcrübəyə malik olan yerli və xarici hüquqi şəxslər iştirak edə bilərlər.

Tenderdə iştirak etmək istəyənlər aşağıdakı məbləğdə iştirak haqqını göstərilən hesaba köçürdükdən sonra Azərbaycan dilində tərtib olunmuş Tenderin Əsas Şərtlər Toplusunu Bakı şəhəri, Yasamal rayonu, Tbilisi prospekti 187 (Əlaqələndirici şəxs: Amid Ulubəyov tel: +994 12 344 00 00, əlavə 207; e-mail: [email protected]) ünvanından əldə edə bilərlər.

Tenderdə iştirak haqqı 500 (beş yüz) manatdır.

Daha ətraflı burada.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.