Çağırışçılar xidmət edəcəkləri hərbi hissəni elektron qaydada öyrənəcək

30-09-2015 / 15:49

Oktyabrın 1-dən 30-dək həqiqi hərbi xidmətə çağırılan vətəndaşlar xidmət edəcəkləri hərbi hissə və qoşun növü barədə məlumatları Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) rəsmi İnternet saytı üzərindən və SMS vasitəsi ilə dəqiqləşdirə bilər. 

Bu barədə Xeberler.az-a qurumun ictimaiyyətlə əlaqələr şöbəsindən məlumat verilib.

Bildirilib ki, hərbi çağırışçılara hansı hərbi hissədə xidmət keçəcəkləri barədə məlumatların elektron qaydada göndərilməsi xidməti aktivləşib.

2015-ci ilin oktyabr çağırışına cəlb edilən çağırışçılar təyin olunduqları hərbi hissə haqqında məlumatı şəxsiyyət vəsiqələrinin seriya nömrələrini 9100 nömrəsinə qısa mesaj şəklində göndərməklə sentyabrın 30-dan başlayaraq öyrənə bilərlər.

Eyni zamanda, çağırışçılar təyin olunduqları hərbi hissə haqqında məlumatı şəxsi məlumatları daxil etməklə Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) rəsmi internet saytının (www.seferberlik.gov.az) “elektron xidmətlər” bölməsinin müvafiq bölümündən də əldə edə bilərlər.

 

Mirvari Nəcəf


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.