Çin internetin sürətləndirilməsinə 182 milyard dollar xərcləyəcək

21-05-2015 / 11:55

Çin hökuməti yaxın iki ildə ölkədə internetin sürətləndirilməsinə 182 milyard dollar xərcləməyi planlaşdırır. Bu barədə Çin Dövlət Şurasının bəyanatında deyilir.

Bildirilir ki, bu ilin yekunları üzrə Çin əhalisinin internetdən istifadəsi üçün nəzərdə tutulan şəbəkələrin tikintisinə və modernləşdirilməsinə investisiyaların həcmi 430 milyard yuanı (69,3 milyard dollar) ötəcək. Növbəti ildə analoji xərclərə daha 700 milyard yuan (112,8 milyard dollar) ayrılacaq.

Dövlət Şurasının məlumatına görə, layihənin məqsədi genişzolaqlı optik-lif rabitəsinin və yüksəksürətli dördüncü nəsil mobil şəbəkələrinin inkişafıdır.

“Akamai” şirkətinin məlumatına görə, Çin dünyada internet bağlantısının orta sürətinə görə 82-ci yeri tutaraq Malayziya, Tailand və Tayvandan geri qalır.

Bir neçə gün əvvəl ölkənin "China Mobile”, “China Unicom” və “China Telecom” mobil rabitə operatorları “4G” texnologiyalarına daha çox abunəçi cəlb etmək məqsədilə 2015-ci ildə mobil məlumat ötürmə tariflərini aşağı salmaq və mobil internetin sürətini artırmaqla bağlı planlarını açıqlayıb.

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.