Dünyanın nəhəng smartfon və yaddaş mikrosxemi istehsalçısı “Samsung Electronics” şirkəti elmi tədqiqatlar və işləmələrə (R&D) yatırılan sərmayələrin həcminə görə liderlik edən şirkətlər siyahısında ikinci yeri tutub.
“Booz&Company” beynəlxalq konsaltinq şirkətinin məlumatına əsasən, 2012-ci ilin iyun-iyulunda Cənubi Koreya istehsalçısı bu məqsədlə təxminən 1,04 milyard dollar xərcləyib. “Samsung”u yalnız “R&D” xərcləri həmin müddətdə 11,4 milyard dollar təşkil edən “Volkswagen” avtomobil konserni qabaqlayıb.
Üçüncü yerdə İsveçrənin “Roche Holding” (10,2 milyard dollar) əczaçılıq şirkəti qərarlaşıb. Dördüncü və beşinci yerləri tədqiqat və işləmələrə müvafiq olaraq 10,1 və 9,8 milyard dollar xərcləyən “Intel” və “Microsoft” korporasiyaları tutub.
Liderlər iyirmiliyində “Google” (6,8 milyard dollar), “IBM” (6,3 milyard dollar), “Nokia” (6,1 milyard dollar), “Panasonic” (6,1 milyard dollar) və “Sony” (5,7 milyard dollar) şirkətləri də yer alıb. Qeyd edək ki, bundan əvvəl “Booz&Company” ekspertləri 10 ən innovasiyalı şirkətin reytinqini hazırlayıb.
“Samsung” şirkətinin “Apple” və “Google”dan sonra üçüncü yerə layiq görüldüyü həmin siyahıya “Amazon”, “3M”, “General Electric”, “Microsoft”, “IBM”, “Tesla Motors” və “Facebook” şirkətləri daxil olub. (ictnews.az)
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları