Mobil İnternet bazarının həcmi 3 dəfə artacaq

26-05-2015 / 21:08

Smartfon satışlarının artım tempinin azalmasına baxmayaraq, mobil qurğular üçün internet texnologiyalar bazarı inkişaf edir. “Digi-Capital” analitiklərinin proqnozuna əsasən, “Apple”ın indiki bazar kapitallaşması (764 milyard dollar) ilə müqayisədə mobil internetin həcmi böyük olacaq.

Xəbərlər-in xarici mətbuata istinadən verdiyi məlumata görə, 2014-cü ildə mobil internet bazarında gəlir 300 milyard dollar olub. Ekspertlərin fikrincə, bu göstərici 2018-ci ilədək 850 milyard dollara çatacaq. Mütəxəssislər cihazlarda göstərilən reklam xərclərini, istehlak və korporativ proqramları, mobil ticarəti bu seqmentə aid edirlər.

Reklamın 3 il sonra mobil internet bazarının ikinci ən böyük seqmentinə çevrilməsi gözlənilir. Reklam satışlarının həcmi smartfon və planşetlər üçün proqram təminatı tərtibatçılarının gəlirini ötəcək. Korporativ proqram təminatına tələbatın artım tempi istehlakla müqayisədə aşağı olacaq.

2014-cü ildə mobil ticarət bazarının həcmi 200 milyard dolları ötüb və bu göstəricinin böyük hissəsi Asiyanın payına düşüb.

“Digi-Capital”, həmçinin 2018-ci ilədək mobil oyunlar bazarının 45 milyard dollaradək artacağını proqnozlaşdırır ki, bu da oyun sahəsində qlobal gəlirin 40 faizi deməkdir.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.