Cisco-nun təşkil edəcəyi konfransın proqramı açıqlanıb

13-05-2015 / 11:48

 Cisco-nun Bakıda təşkil edəcəyi "Verilənlərin Emalı Mərkəzi və Təhlükəsizlik: dəyişikliklər astanasında" adlı forumunun proqramı açıqlanıb.

Xəbərlər-in məlumatına görə, mayın 26-da  Bakının "Mariott" mehmanxanasında Cisco şirkətinin "Verilənlərin Emalı Mərkəzi (VEM) və təhlükəsizlik: dəyişikliklər astanasında" adlı forumu keçiriləcək.

Şirkətdən Xeberler.az-a  bildirilib ki, forum iştirakçıları informasiya təhlükəsizliyi sahəsində mövcud olan və verilənlərin emalı mərkəzləri (VEM) üçün nəzərdə tutulan müasir Cisco həlləri, həmçinin onların əsas rəqabət üstünlükləri haqqında geniş məlumat əldə edəcəklər. Bundan əlavə, iştirakçılar Cisco şirkətinin mütəxəssisləri ilə qeyri-rəsmi və səmimi mühitdə görüşüb onları maraqlandıran məsələləri müzakirə edə biləcəklər.

Forum Cisco-nun və tərəfdaş-şirkətlərin nümayəndələrinin çıxışları ilə açılacaq. Daha sonra iki texnoloji istiqamət ("Verilənlərin emalı mərkəzləri" və "Informasiya təhlükəsizliyi") üzrə sessiya və təqdimatlar keçiriləcək.

Bakı forumunun iştirakçıları Cisco şirkətinin müxtəlif təhlükələrlə effektiv mübarizə aparmağa imkan verən yeni təhlükəsizlik modeli ilə tanış olacaq və təhlükəsiz internet-mühitinin qurulma qaydalarını öyrənəcəklər. Bəzi çıxışlar müasir virtuallaşdırılmış VEM-lərin təhlükəsizliyi, fərdi və korporativ cihazların mobil çıxışının təmin edilməsi kimi maraqlı məsələlərə həsr olunacaq.

Forum iştirakçıları "Cisco ACI" adlı VEM şəbəkə infrastrukturunun inqilabi konsepsiyası ilə də  tanış olacaqlar. Bundan əlavə, dinləyicilər iri korporasiyalarda, ictimai sektor təşkilatlarında, kiçik və orta müəssisələrdə və mobil operatorlar bazarında VEM-lərin yaradılması üçün aparıcı həllərə çevrilmiş Nexus və UCS məhsullar ailələri haqqında ətraflı məlumat əldə edə biləcəklər. Cisco mütəxəssisləri iştirakçılara həmçinin "Cisco UCS Director" adlı proqram məhsulu haqqında danışacaqlar.

Həmçinin  "Cisco UCS Director" məhsulunun ən məşhur konvergent və inteqrasiya olunmuş infrastruktur sistemlərinin (Vblock, FlexPod və VSPEX) bir çoxunun dəstəklədiyini əks etdirən müvafiq məlumatlar da təqdim olunacaq.

Cisco-nun "Verilənlərin Emalı Mərkəzi (VEM) və təhlükəsizlik: dəyişikliklər astanasında" adlı forumunda əvvəlcədən http://cs.co/press veb-səhifəsində qeydiyyatdan keçib pulsuz iştirak etmək mümkündür.

Məltəm Talıbzadə

 

 

 

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.