Comcast provayderi şəbəkə ilə bağlı yeni planlarını bölüşdü
Amerika provayderi Comcast, ABŞ Federal komissiyasının (FCC) tələbinə cavab olaraq, yüksəksürətli şəbəkələrinin idarə olunması ilə bağlı planlarını bölüşdü.
Xatırladaq ki, FCC Comcast-ı BitTorrent trafikinin bağlanması yolu ilə internet istifadəçilərinə təqdim olunmuş xidmətləri pozmaqda günahlandırırdı. FCC qeyd edir ki, provayder istifadəçiləri xəbərdar etmədən onların internetə daxil olmasını çətinləşdirib. Hazırda Federal komissiya Comcast-dan trafikin bloklanması ilə bağlı detalları açıb göstərməyi, edilən təcrübəni dayandırmağı və istifadəçiləri internet-kanalların idarə olunması ilə bağlı gələcək planlar barədə məlumatlandırmağı tələb edir.
Reuters xəbər verir ki, Comcast şirkəti yüksək yük olan kanallarda ən fəal istifadəçilərə məlumatların göndərilməsində aşağı prioritet quraşdıracaq. Bu öz trafiki ilə şəbəkəni dolduran abunəçilərin üzə çıxarılması üçün həyata keçiriləcək. Yeni qaydalara görə, ayda 250 Gb-dan çox trafiki olan istifadəçiyə xətdəki yükü azaltması üçün xəbərdarlıq göndəriləcək. Əgər xəbərdarlığa riayət olunmasa provayder, müştərini servisdən birillik məhrum edəcək.
