TƏHLİL VƏ RƏYLƏR

"Gözləmək olardı ki, bundan sonra hökumət tərəfindən daha ciddi tədbirlər həyata keşiriləcək. Amma nədənsə belə olmadı.

Xatırlayıram ki, cari ilin əvvəli Azərkosmos işğal olunmuş ərazilərimzin Azersky vasitəsilə əldə olunan təsvirlərini də paylaşmışdı. Bildirilirdi ki, işğal edilmiş ərazilərdə ermənilərin qanunsuz apardıqları məskunlaşdırma işinin nəticələri görüntülənib. İşğalçılar rayon mərkəzlərində yeni infrastruktur tikililəri, istehkamlar inşa ediblər.

Fikrimcə biz bu informasiyaların üzərindən sakitcə keçməli deyilik. Öncə fərqində olmalıyıq ki, bu informasiyanı bizə yüz milyonlarla vəsait xərcləyib orbitə qaldırdığımız öz milli peykimiz verib. Peykimizn verə biləcəyi ən qiymətli məhsul elə bundan ibarət olacaq. Kifayət qədər etibarlı və dəqiq infromasiyadır.

Eyni zamanda fərqində olmalıyıq ki, işğalçı ölkə işğal altında olan ərazilərdə beynəlxalq normala zidd fəaliyyətini davam etdirir. Bununla bağlı real faktlar da ortadadır.

Zənnimcə, hökumət Azərkosmos-un verdiyi bu tip informasiyalardan effektiv istiafdə etməli, beynəlxalq ictimaiyyətin , beynəlxalq qurumların diqqətini cəlb etmək üçün sistemli mexanizmlər hazırlamalıdır.

Eyni zamanda Müdafiə Nazirliyimiz də Azərkosmosun verdiyi bu tip informasiyalardan effektiv istifadə etməlidir. 

Müdafiə Nazirliyi gözləməli deyil ki, nə vaxtsa bizim kəşfiyyat yönümlü peykimiz olacaq. Fikrimcə Azersky-ın indiki anda verdiyi informasiyalar və təsvirlər Müdafiə Nazirliyinin daha ciddi cavab tədbirləri üçün yetərlidir".