TEXNOLOGİYA

Son dövrlər texnologiya dünyasında yaş kateqoriyasından asılı olmayaraq hər kəsin diqqətində, əzbərində olan bir ad var: Elon Musk.

Çoxlarımızın yaxından tanıdığı Elon Musk Türkiyəyə səfərindən sonra daha da populyarlaşdı. Belə ki, o, Türkiyəyə səfər edərək prezident ilə görüşdü. Atatürkün “Antıkabir” mavzoleyini ziyarət etdi. Orada çəkdiriyi şəklin altına isə Atatürkün bu sözlərini yazdı:“Əgər bir gün mənim sözlərim elmlə ziddiyyət təşkil edərsə, siz elmi seçin”.

Sosial şəbəkədə Elon-un Atatürk-ə verdiyi dəyər böyük rezonans doğurdu.

Daha sonra isə Elon Musk 63 ton yük ilə Falcon Heavy raketini uğurla orbitə qaldırdı. Onun raketlə birgə bir Tesla avtomobili də kosmosa göndərməsi yenidən dünya gündəmini zəbt etdi.

Hər kəsin heyran olduğu bu şəxs yaxınlarda SpaceX-in növbəti hədəfi dünyanın hər yerində ucuz internet xidməti təmin etmək olduğunu açıqladı.

Bu hadisələrdən sonra hər kəs Elon Musk-ı yaxından tanımağa çalışır. Ölkəmizdə də Elon-a qarşı böyük maraq müşahidə edilir.

Qeyd edək ki, onunla bağlı araşdırma yazılar və kitablar əsasən xarici dillərdə təqdim edilir.

Belə məqamda “Altun kitab” nəşrlər evi Eşli Vensinin Elon Musk haqda yazdığı kitabı Azərbaycan dilinə tərcümə edib.

Xeberler.az bildirir ki, Vensinin “ Elon Musk. Tesla, Space X və möhtəşəm gələcəyin izi ilə” kitabı İbrahim Nəbioğlun tərcüməsi ilə Azərbaycan dilində təqdim edilir.

Kitabın martın 17-də AMEA Mərkəzi Kitabxanasında təqdimat mərasimi baş tutacaq.

Qeyd edək ki, İbrahim Nəbioğlu uzun illər AzTV, BBC kimi media qurumlarında çalışıb. O, 40-a yaxın elmi məqalənin müəllifidir.

Kitab 12 AZN-dən satışa təqdim ediləcək.

Xeberler.az