TENDER

Tesla və SpaceX şirkətlərinin təsisçisi Elon Musk Forbes jurnalının reytinqinə əsasən, dünyanın ən varlı şəxsləri siyahısında birinci yeri tutub.

Xeberler.az bildirir ki, Forbes jurnalı Musk-ın sərvətini 219 milyard dollar dəyərində qiymətləndirib. Bu isə reytinqin əvvəlki lideri olmuş Jeff Bezos-un (Amazon) sərvətindən daha çoxdur. Keçən il Bloomberg və digər nəşriyyatlar Musk-ı Yer kürəsinin ən varlı şəxsi hesab etsələr də, Forbes reytinqində o, ikinci yeri tuturdu. Belə ki, həmin vaxt onun sərvəti 151 milyard dollar dəyərində qiymətləndirilirdi. Son 12 ay ərzində Musk-ın sərvəti 68 milyard dollar yüksəlib. Nəticədə o, Jeff Bezos-u geridə qoyub.

    Musk-ın sərvətinin əsas hissəsini Tesla şirkətinin səhmləri təşkil edir. Belə ki, o, Tesla-nın 172.6 milyon səhminə sahibdir. Bu isə bütün şirkətin 17%-i deməkdir. Bu göstəricini pul ekvivalentinə çevirdikdə, 195.5 milyard dollar alınır. Musk-ın sərvətinin ikinci böyük aktivini SpaceX-in şirkətinin səhmlərinin 44%-i təşkil edir. Qeyd edək ki, bir neçə gün bundan öncə Musk həmçinin Twitter səhmlərinin 9.2%-ni əldə edərək sosial şəbəkənin ən böyük səhmdarına çevrildi. Forbes jurnalının yenilənmiş reytinqini təqdim edirik.