Universiteti yarımçıq qoydu, sahibkarlığa başladı

09-01-2018 / 11:58

Son vaxtlar həyata keçirdiyi işlər və şəxsi keyfiyyətləri ilə dünya şöhrətli sahibkar, ixtiraçı, biznes-maqnatı, nəhəng innovativ layihələrin investoru Elon Musk gündəmdədir.

Uzun zamandır həm yerli, həm də xarici media Elon-dan danışır. 

Belə ki, hər kəs Elon Musk və layihələri ilə maraqlanır, onun uğur sirrini öyrənməyə çalışır.

Bəs görəsən həqiqətən də o, uğurlarını nəyə borcludur?

Xeberler.az xatırladır ki, Musk SpaceX, Tesla Motors şirkətlərinin yaradıcısı və rəhbəri, SolarCity və PayPal-un yaradıcılarından biri olaraq alternativ energetika və ekonomik günəş elektrostansiyaları texnologiyalarının hazırlanmasında fəal iştirak edib.

Həmçinin, OpenAI tədqiqat şirkəti və Hyperloop konseptual yüksək sürətli nəqliyyat sisteminin yaradılması, kosmik gəmilərin layihələndirilməsi kimi məsələlərlə məşğul olmuşdur.

Bu dahi insan zəhmətsevərlik, kritik düşüncə, hadisələrin və şəxsi addımların dəqiq təhlili, inadkarlıq kimi yüksək keyfiyyətlərə malikdir. Bildirilir ki, ilk zamanlar Elon həftə ərzində 100 saata kimi işləyirdi.

O, ali təhsilini bitirdikdən sonra fizika üzrə doktorluq dərəcəsi almaq məqsədilə ABŞ-ın Stenford Universitetinin aspiranturasına daxil olur. Lakin sonra  təhsilini yarımçıq qoyaraq sahibkarlıqla məşğul olmağa qərar verib.

Onun inadkarlığı və cəsarəti öz bəhrəsini verib. Belə ki,  1999-cu ildə İnternet bumunun yaşandığı bir dövrdə o, qardaşı ilə birgə öz startaplarını AltaVista axtarış sisteminə rekord məbləğə – 307 milyon dollara satır.  Vergi və digər xərcləri ödədikdən sonra Elon yerdə qalan 20 milyon dolları McLaren F1 idman avtomobili və 12 yerli Dassault 900 təyyarəsinin alınmasına xərcləyir. Bundan sonra onun uğurlarının davam gəlir: X.com-PayPal, Tesla,  Space X və digərləri.

Elon ekologiya sahəsində fəaliyyətinə görə  “Global Green-2006” mükafatına layiq görülüb.

Mars planetinin fəth edilməsini arzu edən filantrop Musk  2012-ci ildə ilk dəfə yeni nəqliyyat tipinin yaradılması haqqında planlarını elan etdi. Bu, ənənəvi təyyarələrdən daha sürətli olan Hyperloop nəqliyyat sistemi idi. 

Boru şəklində magistraldan istifadə əsasında yaradılmış sistem  20 metrlik hündürlükdə quraşdırılıb. O, günəş enerjisindən qidalana və sərnişinləri lazım olan məkana istənilən vaxtda, rahat şəkildə, təhlükəsiz çatdırmaq qabiliyyətinə malikdir.

5 mil ölçüsündə olan trekin tikilişinə 2016-cı ilin əvvəllərində başlanılıb. Bu texnologiyanın sayəsində Los-Anceles və San-Fransisko arasındakı 600 kilometrlik məsafəni 30 dəqiqəyə qət etmək mümkün olacaq.  

2016-cı ilin yanvarında ixtiraçı maksimum 3 il ərzində elektrik avtomobilini yaratmağı planlaşdırdığını demişdi. Çox keçmədən, 2017-ci ilin noyabrında ictimaiyyətə təqdim edilən bu avtomobil Los-Ancelesdən Nyu-Yorka qədər olan 4 min kilometr məsafənin öhdəsindən sürücüsüz gələ bilir.

 Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.