Elon Muskın beyin oxuma cihazı bu həftə tanıdılacaq

27-08-2020 / 19:25

Xeberler.az bildirir ki, Elon Musk tərəfindən bir layihə kimi tanıdılan Neuralink haqqında ilk yeniliklər 2019-cu ilin iyul ayında paylaşılmışdı. Birbaşa beyinə yerləşdirilə bilən simsiz cihazla nəzəri zehni oxumağı təmin etməyi hədəfləyən Neuralinkin tezliklə təqdim ediləcəyi gözlənilir.

İyul ayında Elon Musk Neuralinkin 1 illik inkişafı ilə bağlı məlumatlarının 28 avqustda açıqlanacağını elan etmişdi. Bu gün Twitterdə yeni bir açıqlama verən Elon Musk Neuralink cihazının da cümə günü təqdim ediləcəyini açıqladı.

2019-cu ilin iyul ayında paylaşılan məlumatlarda isə insanların beyninə implant yerləşdirmək üçün cərrahi robotdan istifadə ediləcəyi açıqlanmışdı.

Xatırladaq ki, Neuralink siçanlar və meymunlar üzərində sınaqdan keçirilib və uğurlu nəticələr əldə edib. 2019-cu ildə elan edilən digər bir vacib məlumat insan testlərinin 2020-ci ilin əvvəlində başlayacağı idi, lakin bu mövzuda hələ rəsmi bir açıqlama verilməyib. Çox güman ki, insan testlərinin nəticələri 28 avqustda paylaşılacaq. Cümə günü Elon Musk və Neuralink layihəsi ilə əlaqədar yeniliklər barədə məlumat verməyə davam edəcəyik.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə