AZNET

 Cümə günü Estoniya parlamenti regional və ümummilli seçkilər zamanı mobil telefon vasitəsi ilə səs verməyi mümkün edən qanun qəbul edib. Dünya təcrübəsində ilk dəfə Estoniya qanunvericiləri tərəfindən qəbul olunmuş həmin qanun artıq 2011-ci ildə səsverməni mobil telefondan həyata keçirməyi mümkün edəcək. Qeyd edək ki, məhz həmin vaxtda Estoniyada parlament seçkiləri nəzərdə tutulub.
   Xatırladaq ki, ötən il Estoniyada əhaliyə xüsusi sayt və şəxsi məlumatları vasitəsi ilə seçkilərdə iştirak etmək imkanı verən internet-səsvermə təcrübəsi tətbiq olunub. Estoniya vətəndaşları üçün şəxsiyyət vəsiqəsi hazırlanması ilə məşğul olan SK (Estoniya Sertifikasiya Mərkəzi nümayəndəsi Raul Kaydronun sözlərinə görə yeni mobil səsvermə sistemi artıq uğurla sınaqdan keçirilib. Bu sistemin tətbiqi zamanı seçicilərə, onların mobil telefonları üçün xüsusi çiplər verilməlidir ki, həmin çip, mobil telefon sahibinin təhlükəsiz eyniləşdirilmə funksiyasını yerinə yetirəcək.  Bundan əlavə R.Kaydro qeyd edib ki, mobil səsvermə üçün yaradılmış proqram təminatı bir tərəfdən tam təhlükəsizdir, digər tərəfdən isə burada belə vəziyyətdə səsvermə nəticələrinin müdaxilə hallarının qarşısı alınır. Bu texnologiyanın iş prinsipi elektron imza əsasında qurulub.
   Cybersecurity-nin  məlumatına görə, analoji mobil səsvermə sistemlərinin işlənib hazırlanması digər ölkələrdə də həyata keçirilir, lakin buna baxmayaraq, Estoniyada hazırlanmış sistem hətta 2011-ci ildə tətbiq olunsa belə, bura həmin texnologiyanı reallaşdırılmış ilk ölkə olacaq.

xeberler.az/Ellada