Azərbaycan elektron səsvermə sisteminə keçə bilərmi?

09-10-2015 / 17:32

“Qanunvericilikdə öz əksini taparsa, Azərbaycan elektron səsvermə sisteminə keçə bilər"

Xeberler.az-ın məlumatına görə, bunu Mərkəzi Seçki Komissiyasının(MSK) İnformasiya Texnologiyaları şöbəsinin müdiri Rüfət Gülməmmədov bildirib.

Rüfət Gülməmmədov elektron qaydada səsvermə ilə bağlı dünya təcrübəsinə nəzər salıb: 

“Bəzi ölkələrdə elektron səsvermə layihə kimi həyata keçirilir. Bəzi ölkələrdə isə elektron səsvermə pilot qaydada tətbiq olunub və iflasa uğrayıb. Qazaxıstan, Gürcüstan kimi ölkələri misal çəkə bilərəm. Həmin ölkələr dəfələrlə elektron səsvermə layihəsini həyata keçirmək üçün cəhd etsə də, bu layihə özünü doğrultmayıb. Çünki bu sahədə təcrübə yox idi. Bir işə başlamaq üçün ilk növbədə təcrübə toplamaq lazımdır. Azərbaycanda veb-kamera təcrübəsini nümunə gətirmək olar ki, MSK olaraq bu işə başladıq və bu təcrübəni uğurla həyata keçirə bildik. Seçki günü hər bir vətəndaş bu təcrübədən istifadə edə biləcək”.

MSK nümayəndəsi bildirib ki, Azərbaycanda elektron səsvermənin keçirilməsi üçün texniki, infrastruktur baxımından problem yoxdur: “Azərbaycanda informasiya kommunikasiya infrastrukturu günü -gündən inkişaf edir. Fiber optik üzərindən elektron xidmətlərdən istifadə genişlənir. Əvvəllər Dial-up istifadəçilərinin sayı çox idi, amma indi axtarsanız belə Dial-up istifadəçisi tapmaq mümkün deyil. Bütün bunları nəzərə alaraq deyə bilərəm ki, elektron səsvermə üçün infrastruktur baxımından , eləcə də texniki problem yoxdur. Qanunvericilikdə öz əksini taparsa, Azərbaycan elektron səsvermə sisteminə keçə bilər”.

 

Mirvari Nəcəf


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə