TƏHLİL VƏ RƏYLƏR

Yaponiyalı tədqiqatçılar “insan-kompüter” qarşılıqlı əlaqə sisteminin növbəti nümunəsini təqdim ediblər. Bu dəfə qarşılıqlı əlaqəni əllər, ultrasəs və xüsusi şüa verən qurğu vasitəsi ilə həyata keçirmək təqdim olunub. Toxunma əsasında işləyən üçölçülü sistemlərin bundan əvvəl də təqdim olunmasına baxmayaraq, bu sistemlərin işləməsi üçün xüsusi geyim və ya manipulyasiya və toxunmanı ötürən əlcəklər tələb olunurdu. Hazırda isə yaponiyalı mühəndislər qeyd edirlər ki, xüsusi geyim və əlcəklər ultrasəsli dalğalarla əvəz oluna bilər.Tərtibatçıların sözlərinə görə, onların sistemi demək olar ki praktiki istifadə mərhələsindədir və tez bir zamanda yeni işləmənin satışa çıxarılması mümkün olacaq. Yeni sistemin işlənib hazırlanması ilə məşğul olan Tokio Universitetində hesab edirlər ki, sistem vizual və arxitektur modelləşdirmə proqramlarında daha çox istifadə olunacaq, gələcəkdə isə, üçölçülü internetin inkişafı ilə yeni sistem istehlakçı sektorunda da geniş tətbiq olunacaq. Professor Tanayuki İvamoto qeyd edir ki, xüsusi qurğu vasitəsi ilə yaradılan ultrasəs şüalanması bu və ya digər elementləri (məsələn bilək) “əhatə etmək” qabiliyyətinə malikdir. Belə ki, bərk elementdən (məsələn əllərdən) əks olunan dalğalar həmin bərk elementin virtual təsvirini yaradır və təsvirin dəyişməsi ilə istənilən hərəkəti müəyyən etmək mümkündür.Hələ ki, hərəkətlərin tam dəqiq təyin olunması üçün sistem həmçinin, manipulyasiyaları qeydə alan kamera ilə təchiz olunub. Lakin gələcəkdə bu kameranın komplektdən çıxarılması planlaşdırılır. T.İvamotonun sözlərinə görə, hazırda hərəkətlərin müəyyən olunması sistemi, yalnız şaquli manipulyasiyaların bir hissəsini təyin etmək imkanına malikdir. Lakin tədqiqatçılar qurğunun daha dəqiq həndəsəsi üzərində işləyirlər ki, gələcəkdə sistem daha xırda manipulyasiyaları təyin etsin və bu hərəkətlərə təkan verən elementlərin konturlarını daha dəqiq müəyyən etsin. Cybersecurity-nin məlumatına əsasən bu cür sistemin istifadə olunmasının ən perspektivli istiqamətlərindən biri 3D-molelləşdirmə sistemləri və kompüter oyunları olacaq. Tokio Universitetində, qeyd olunan sahələrdə fəaliyyət göstərən şirkətlərdən artıq təkliflərin daxil olunduğunu bildirirlər.