NATO-nun Kibertəhlükəsizlik üzrə ekspertinin təqdimatı keçirilib

15-04-2015 / 13:39

Yüksək Texnologiyalar Parkında NATO-nun Kibertəhlükəsizlik üzrə ekspertinin təqdimatı keçirilib.

 YT Parkından  Xəbərlər-ə verilən məlumata görə, təqdimat  mərasimində  "Femmes Digitales" İKT qadınlar klubunun   (AWIC)  birgə təşkilatçılığı ilə NATO-nun Kibertəhlükəsizlik Mərkəzinin baş tədqiqatçısı və Estoniyanın İnformasiya Sistemləri İdarəsinin keçmiş baş direktoru Yaan Priisalu məruzə işə çıxış edib.  

  "Kiberəməkdaşlığın təşkili" mövzusunda məruzəsində Priisalu kibertəhlükəsizliyin təmin edilməsində hökumətin böyük rol oynadığını bildirib.

 "Estoniya təcrübəsinə nəzər salsaq görərik ki, ölkədə elektron xidmətlərə dövlət və özəl qurumlar tərəfindən  balanslaşmış tələbat var. Elektron həllərdən  getdikcə daha çox geniş istifadə edilir. Bu cür xidmətlərin  99% bank sahəsi ilə bağlıdır. Belə ki, bu ölkədə  mobil parketmə sisteminə 1 milyon 148 min milli ID kart qeydiyyatdan keçib. Bundan başqa, Estoniyada artıq elektron səsvermə sistemi qurulub və elektron şəxsiyyət vəsiqəsi vasitəsi ilə vətəndaşlar seçkilərdə iştirak edə bilirlər. Eyni zamanda, elektron tibb kartlarından və  nəqliyyatda ID biletlərdən istifadə edilir .", deyə ekspert Estoniya təcrübəsini bölüşüb.

Y. Priisalunun sözlərinə əsasən, kibertəhlükəsizliyin təmin edilməsi məsələsi bir xətlə həll olunmalıdır.

"Ölkələr hüquqi, siyasi və texniki istiqamətlər üzrə  kibertəhlükəsizliyin təmin edilməsinə nail olmağa çalışır. Bunun üçün milli konsepsiyalar, strategiyalar hazırlanır, konfranslar və təlim kursları təşkil olunur", - deyə ekspert qeyd edib.

Məruzənin sonunda Y. Priisalu bildirib ki, kibertəhlükəsizliyin təmin edilməsi üçün ölkədə müvafiq nazirliklər, kibertəhlükəsizliyi təmin edən qurumlar, internet media, bir sözlə, aidiyyəti olan dövlət və özəl qurumlar birgə şəkildə fəaliyyət göstərməlidir.
 

Kibercinayətkarlıqla mübarizə və kibertəhlükəsizlik sahəsində 20 ildən artıq təcrübəsi olan Priisalu bu sahədə dünya üzrə nüfuzlu ekspertlərdən hesab olunur.

 O, həmçinin Estoniyada kibermühitin təhlükəsizliyini qoruyan və öz ətrafında könüllü İT mütəxəssisləri birləşdirən Estoniya Müdafiə Liqasının Kiber Birləşməsinin Tallin İdarəsinin həmtəsisçisi və rəhbəri vəzifəsini də daşıyır.

 Məltəm Talıbzadə 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.