Firefox 3 Ginnessin rekordlar kitabına düşüb

04-07-2008 / 16:59
Mozilla Firefox 3 bruzeri, buraxılmasından sonra sutka ərzində proqramın yükləmə sayına görə dünya rekordunu müəyyən edib. 24 saat ərzində brauzer 8 002 530 dəfə yüklənilib. Bu göstərici Ginnessin rekordlar kitabında qeyd olunub.

Ginnessin rekordlar kitabını təmsil edənlər, yükləmə miqdarını iki üsulla sayıblar. Birincisi, onlar Mozilla-nın statistikasına bələd olublar. İkincisi isə, yükləmələrin qeyd olunduğu serverlərdən götürülən məlumatları əsas tutublar.

Xəbərin yayıldığı zaman Mozilla Firefox 3 brauzeri 28 milyon dəfə yüklənmişdir. Əvvəlki kimi Şimali Koreya və Fransa Qviannası ərazilərindən brauzer bir dəfə də olsun belə yüklənməyib.

Mozilla Firefox brauzerinin əvvəlki versiyası çıxışından sonra birinci sutka ərzində cəmi 1.6 milyon dəfə yüklənilib. Mozilla Firefox 3 üzərində çalışmalar 2006-cı ilin sonunda başlanılıb. Brauzerin koduna 15 mindən çox dəyişiklik edilib. Ötən versiya ilə müqaisədə təzə versiya onlarla yeni funksiyaya malikdir. Mozilla Firefox 3 brauzeri 17 iyun tarixində Bakı vaxtı ilə saat 20:00-da işıq üzü görüb.




ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.