Fransa hökumətinə sosial şəbəkələri bloklamaq səlahiyyəti verilib

21-11-2015 / 14:38

Noyabrın 19-da Fransa Parlamenti hökumətə fövqəladə vəziyyət rejimində internet saytlarını, servis və sosial şəbəkələri bağlamaq hüququ verən qanuna səs verib.

Xeberler.az xarici KİV-lərə istinadən məlumat verir ki,  Fransa Milli Assambleyası tərəfindən qanuna qəbul edilən düzəliş Daxil İşlər Nazirliyinə terroristlərin istifadə edə biləcəyi bütün internet ünsiyyət xidmətlərinin fəaliyyətini dayandırmaq səlahiyyəti verir.

Digər tərəfdən, sənədə görə, 1955-ci ildə qəbul edilən ilkin qanunda ölkə hökumətinə fövqəladə vəziyyətdə mətbuat, radio və kinematoqrafiyada senzura tətbiq etmək hüququnu nəzərdə tutan bənd ləğv edilir. Qanuna düzəliş Fransada fövqəladə vəziyyət rejiminin daha üç ay müddətinə uzadılması ilə bağlı qəbul edilən qanun layihəsindən bir neçə saat sonra təsdiqlənib.

Qeyd edək ki, noyabrın 13-də Parisdə və şəhər ətrafında terror aktları baş verib.

 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.