Gələn ildən "G-cloud" infrastrukturunun qurulmasına başlanacaq

28-12-2020 / 10:47

Azərbaycanda "Hökumət buludu" ("G-cloud") infrastrukturunun qurulmasının 2021-ci ilin birinci rübündə başlanması gözlənilir.

Xeberler.az bildirir ki, bu barədə Nəqliyyat, Rabitə və Yüksək Texnologiyalar Nazirliyi yanında "AzInTelecom" MMC-dən bildirilib.

Qeyd edək ki, Bakı və Yevlaxdakı Data mərkəzlərdən başqa, ölkədə "Tier3" standartına cavab verən daha üç mərkəzin inşası gözlənilir.

Şirkətdən bildirib ki, bu mərkəzlərin tikiləcəyi məkanlar üzrə tələblər Nazirlər Kabinetinin 2020-ci il 29 oktyabr tarixli 428 nömrəli Qərarı ilə təsdiq edilən "Dövlət informasiya sistemlərinin və ehtiyatlarının "Hökumət buludu"na Keçid Planı" sənədində öz əksini tapıb.

"Standartlara cavab verəcək mərkəzlər üçün bir sıra mühüm tələblər mövcuddur. Bura yerlərin mümkün təbii təhlükə (subasma, sürüşmə və s.) zonasından uzaq, kommunikasiya xətlərinə (elektrik, fiberoptik və s.) yaxın və biri-birindən ən azı 100 km məsafədə tikilməsi daxildir. Mərkəzlərin tikintisinin texniki-iqtisadi əsaslandırma sənədləri təsdiq olunduqdan və uyğun maliyyə vəsaiti ayrıldıqdan sonra başlanması planlaşdırılır", - şirkətdən bildirilib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.