İnnovasiya və Rəqəmsal İnkişaf Agentliyi, Bakı Dövlət Universiteti, ICPC Azərbaycan icması və “Caspian Event Organisers” şirkətinin birgə təşkilatçılığı ilə gənc proqramçılar üçün xüsusi müsabiqə baş tutdu.
Xeberler.az bildirir ki, müsabiqə, Azərbaycanın ilk proqramçısı hesab olunan, “Şöhrət” ordenli alim Ramin Mahmudzadənin irsini gənc nəslə çatdırmaq, yeni istedadları üzə çıxarmaq və gənclərə proqramlaşdırma sahəsində bilik və bacarıqlar qazandırmaq məqsədilə təşkil olunub.
Yarışda ali təhsil müəssisələrində təhsil alan və proqramlaşdırmaya marağı olan 50-ə qədər tələbə iştirak etdi. Onlar fərdi şəkildə 4 saat ərzində verilmiş xüsusi proqramlaşdırma tapşırıqlarını həll etdilər.
Nəticələr avtomatlaşdırılmış şəkildə qiymətləndirildi və ilk üç yerin qalibləri 31 avqust – 5 sentyabr tarixlərində Bakıda keçiriləcək ICPC 2025 Dünya Finalı səhnəsində (Bakı Konqres Mərkəzi) xüsusi mükafat və sertifikatlarla təltif olunacaqlar.
Bu layihə Ramin Mahmudzadənin elmi fəaliyyətinin gənc nəsillərə tanıdılması, gənclərin bilik və bacarıqlarının inkişafı, yeni istedadların kəşf olunması və proqramçılar arasında əməkdaşlıq imkanlarının genişləndirilməsi baxımından mühüm əhəmiyyət kəsb etdi.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları