RƏQƏMSAL DÜNYA

Cabbarlı adına Respublika Gənclər Kitabxanasının Veb-saytı modernləşdirilib. Veb-saytda yeni bölmələr yaradılıb, Azərbaycanın tarixi, zəngin mədəniyyəti, dövlət rəmzləri, Azərbaycan-Ermənistan, Dağlıq Qarabağ problemi haqqında geniş məlumat verilib. SİA-nın Mədəniyyət və Turizm Nazirliyinin mətbuat xidmətindən əldə etdiyi məlumata görə, kitabxananın nəzdində 2 illik uğurla fəaliyyət göstərən İctimai Hüquqi-İnformasiya Mərkəzi haqqında, habelə, Mərkəzdə istifadəçilər üçün nəzərdə tutulan proqram və treninqlər barədə məlumatlar saytın “Hüquq mərkəzi” bölməsində yerləşdirilib.

Saytın “Elektron kitabxana” bölməsində Mədəniyyət və Turizm Nazirliyinin layihələri ilə nəşr olunan, habelə, Azərbaycan ədəbiyyatı və Azərbaycan-Ermənistan, Dağlıq Qarabağ problemi, erməni terroru haqqında kitabların tam mətnləri, “Prezident və mədəniyyət” bölməsində Azərbaycan Respublikasının Prezidenti İlham Əliyevin mədəniyyət, ədəbiyyat, tarixi-mədəni irs və milli-mənəvi dəyərlər, mədəniyyətin inkişafı və informasiya cəmiyyəti haqqında fikirləri və mədəniyyət haqqında imzaladığı sərəncamlar öz əksini tapıb.

Yaxın günlərdə C.Cabbarlı adına Respublika Gənclər Kitabxanasının http://www.ryl.az Veb-saytının təqdimatı keçiriləcəkdir. Kitabxananın nəzdində 2 illik uğurla fəaliyyət göstərən İctimai Hüquqi-İnformasiya Mərkəzi haqqında, habelə Mərkəzdə istifadəçilər üçün nəzərdə tutulan proqram və treninqlər barədə məlumatlar saytın “Hüquq mərkəzi” bölməsində yerləşdirilib. SİA