Muzey Mərkəzinin veb-saytının təqdimat mərasimi keçirilib

25-09-2009 / 19:01

Daha öndcə də məlumat verdiyimiz kimi Mədəniyyət və Turizm Nazirliyinin Muzey Mərkəzinin www.museumcenter.az veb saytı fəaliyyətə başlayıb.  Bu gün isə Mədəniyyət və Turizm Nazirliyinin Muzey Mərkəzinin akt zalında UNESCO-nun Moskva Bürosunun “Rusiya muzeyi: virtual filial” layihəsi çərçivəsində yaradılmış Muzey Mərkəzinin veb-saytının təqdimat mərasimi keçirilib.

Tədbirdə çıxış edən Mədəniyyət və Turizm Nazirliyinin mədəni siyasət şöbəsinin müdiri Fikrət Babayev bildirib ki, müasir cəmiyyətdə texnologiyaların inkişafı həm ayrı-ayrı insanlar və təşkilatlar arasında, həm də ölkələr, kontinentlər və mədəniyyətlər arasında yeni ünsiyyət üsullarının meydana gəlməsinə gətirib çıxarıb: “Təqribən 10 ildir ki, Muzey Mərkəzi öz fəaliyyətinə kompüter texnologiyalarının tətbiqini nəzərdə tutan işlərə başlayıb. 2000-ci illərin əvvəllərindən sərgi və keçirilən tədbirlərə multimedia materiallarının yaradılması üzrə iş gedir.

Muzey Mərkəzinin informasiya köşkündə Mərkəzin tarixi və fəaliyyəti haqqında proqramlar quraşdırılıb. 2008-ci ildə Muzey Mərkəzində Bakı əhalisi və qonaqları üçün müasir texnologiyalar vasitəsilə Rus Muzeyinin sərvətləri ilə birbaşa təmasda olmağa imkan verən “Rusiya muzeyi: virtual filial” İnformasiya-Tədris Mərkəzi açılıb. Kompüter proqramlarının, habelə külli miqdarda nəşr, foto və video materialların toplanması nəticəsində Azərbaycan Respublikası Mədəniyyət və Turizm Nazirliyinin Muzey Mərkəzinin vebsaytının yaradılması ideyası meydana gəldi”.

Onun sözlərinə görə, saytın yaradılmasında partnyor qismində Mədəniyyət və Turizm Nazirliyi, UNESCO-nun Moskva Bürosu, Dövlət Rus Muzeyi və UNESCO işləri üzrə Azərbaycan Respublikasının Milli Komissiyası iştirak edib. Vebsaytın yaradılması “MediaDizayn” studiyasında həyata keçirilib. Vebsayt Bakıda 2007-ci ildə yaradılmış “Rusiya muzeyi: virtual filial” İnformasiya-Tədris Mərkəzi, Azərbaycan Respublikası Mədəniyyət və Turizm Nazirliyinin Muzey Mərkəzinin fəaliyyəti haqqında dolğun məlumata malik olaraq, həmçinin bir qrup ölkələr ərazisində və ondan xaricdə Muzey Mərkəzinin vahid mədəniyyət-informasiya məkanına inteqrasiya vasitəsi kimi çıxış edir.

Sayt foto və video materiallarla zəngindir və müasir multimedia icra üsulları onların İnternet şəbəkəsi vasitəsi ilə baxılmasına imkan yaradılıb. Vebsayt artıq dünyanın aparıcı axtarış sistemləri tərəfindən indeksləşdirilmiş və Muzey Mərkəzinin fəaliyyəti ilə bağlı olan sorğu verdikdə ilk cavab sətirlərində çıxması təmin olunub. Saytın tərkibi bir neçə blokdan ibarətdir.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə