Azərbaycanda Turizmin inkişafı məqsədilə online-sistem yaradılıb

13-03-2009 / 14:02


Azərbaycanın müxtəlif regionlarında 11 yerdə turizm informasiya mərkəzi yaradılıb. Bunların yaradılmasında əsas məqsəd turistlərin gəlişini təşkil edərək onlara Azərbaycan haqqında informasiyanı təqdim etmək və nəticədə də turist axınını gücləndirməkdir. Odur ki, regionlar barəsində müxtəlif bələdçi kitabları hazırlanıb. İnformasiya mərkəzlərinin əsas işi turizm rəhbərlərinin turizm təkmilləşdirmə kurslarını təşkil etməkdir\". Bu sözləri dünən online-rezervasiya sisteminin təqdimatında çıxış edən mədəniyyət və turizm naziri Əbülfəs Qarayev söyləyib.

Qeyd edək ki, bu sistem vasitəsilə dünyanın istənilən nöqtəsində istəyən şəxs Azərbaycanın turizm potensialı, turizm marşrutları, ölkəmizdə yerləşən turizm-istirahət mərkəzləri, otellər haqqında geniş məlumat toplaya biləcək. Üç dildə - Azərbaycan, rus və ingilis dillərində hazırlanan online-rezervasiya sistemində hələ ki, Bakıda fəaliyyət göstərən 9 otel haqqında məlumat yerləşdirilib.

Gələcəkdə otellərin sayının artırılması nəzərdə tutulub. Saytda eləcə də otellərin qiymətləri, Bakıda hava durumu, valyuta məzənnələri, milli mətbəximiz haqqında məlumat, eləcə də Bakıda fəaliyyət göstərən təşkilatlar haqqında informasiya yerləşdirilib.

Qeyd edək ki, online-rezervasiya sistemi Bakı Turizm İnformasiya Mərkəzinin təşəbbüsü ilə hazırlanıb.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.