Media kəndində Mədəniyyət və Turizm Mərkəzi fəaliyyətə başlayıb

29-05-2015 / 21:15

Bu gün iyunun 12-28-də Bakıda keçiriləcək I Avropa Oyunları ilə əlaqədar Media kəndində Mədəniyyət və Turizm Mərkəzi fəaliyyətə başlayıb.

Mədəniyyət və Turizm Nazirliyinin İnformasiya və İctimaiyyətlə Əlaqələr Şöbəsindən Xəbərlər-ə verilən məlumata görə, məqsəd xarici KİV nümayəndələrinə Azərbaycanın turizm potensialını təbliğ etmək, bölgələrdə inkişaf etmiş turizm infrastruktu haqqında məlumatlar verməkdir.

Bu məqsədlə mərkəzin fəaliyyəti üçün ayrılmış ərazidə müvafiq stendlər, turizm təbliğatının əyani şəkildə aparılması üçün promo videoçarxların yayımlandığı monitorlar və bu kimi digər texniki avadanlıqlar quraşdırılıb.

Ərazi audio-bələdçi qulaqcıqları ilə təchiz edilib və 6 dildə təsvir olunan Azərbaycan turizm portalı - www.azerbaijan.travel touch-screen vasitəsilə xarici ziyarətçilərin xidmətinə verilib. Mərkəzdə eləcə də "Bakı Şəhər turu" haqqında geniş məlumat xarici media nümayəndələrinə təqdim edilir.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.