E - HÖKUMƏT

Rusiya Federasiyası Federal Gömrük Xidmətinin rəhbəri: "Biz azərbaycanlı həmkarlardan çox şey öyrənirik, xüsusən İT sahəsində..."

Rusiya Federasiyası Federal Gömrük Xidmətinin (FGX) rəhbəri  Andrey Belyaninov Azərbaycanla əməkdaşlığın səviyyəsini yüksək qiymətləndirib.  Xəbərlər 1News-a istinadən bildirir ki, A. Belyaninov «Вестник Кавказа» ilə müsahibəsində  bu haqda açıqlama verib. 

Rusiya Federal Gömrük Xidmətinin rəhbəri bildirib: "Biz Azərbaycandan Rusiyaya və Azərbaycan vasitəsilə ölkəmizə gələn ərzaq məhsulları üçün “yaşıl koridor”un təşkili ilə bağlı məsələni müzakirə etmişik".

FGX rəhbərinin sözlərinə görə, azərbaycanlı həmkarları ilə ünsiyyət daha çox maraqlıdır:

"Biz onlardan çox şey öyrənirik, onlar xüsusən də  İnformasiya Texnologiyaları sahəsində, sərhəd keçid məntəqələrində texniki vasitələrin istifadəsində çox inkişaf edibilər”.

A.Belyaninov davam edib: "Biz bəzi şeyləri öyrəndik və onların icazəsi ilə onların əldə etdiyi nailiyyətləri gündəlik həyatımıza daxil edəcəyik".

O, həmçinin qeyd edib ki, Dövlət Gömrük Komitəsinin sədri cənab Aydın Əliyev MDB ölkələrinin gömrük xidməti rəhbərlərinin arasında ən çox stajı olandır. Özümüzdən böyük olan insana necə münasibət göstərmək olar? Yalnız böyük hörmətlə!”. 

Xeberler.az