Dövlətlər İT-dən istifadə ilə bağlı razılığa gəlib

17-08-2015 / 11:34

Rusiya, ABŞ, Çin və Böyük Britaniya ölkələrinin yer aldığı 20 dövlətdən ibarət qrup İT texnologiyalarından sülh məqsədi naminə istifadəni genişləndirməyi öhdəsinə götürüb.

Xəbərlər-in verdiyi məlumata görə, bu haqda Rusiya Federasiyası prezidentinin informasiya təhlükəsizliyi sahəsində beynəlxalq əməkdaşlıq məsələləri üzrə xüsusi nümayəndəsi Andrey Krutskix bildirib.

"Hesabatda qeyd olunub ki, əsas məsələ informasiya məkanındakı münaqişələri qanuniləşdirmək və tənzimləmək deyil, İKT-dən (informasiya-kommunikasiya texnologiyaları) hərbi-siyasi məqsədlərdə istifadənin qarşısını almaqdır. Bu, birinci mühüm andır” - Andrey Krutskix Kommersant qəzetinə müsahibəsində belə deyib.

O qeyd edib ki, ikincisi, hesabatda yazılıb ki, "bir-birini əsassız kiberhücumlarla ittiham etmək olmaz". Bildiyimiz kimi, hazırda belə hallar tez-tez baş verir.

"Dövləti kiberhücumların təşkili və həyata keçirməklə bağlı ittiham sübut olunmalıdır. Bu, dövləti informasiya məkanında edilmiş kiberhücuma görə əsassız məsuliyyətə cəlb edilməsi imkanını istisna edir" – diplomat izah edib.

"Üçüncüsü, hesabatda bir neçə dəfə vurğulanır ki, İKT yalnız sülh məqsədi naminə istifadə olunmalıdır" – Krutskix bildirib.

"Nəhayət, sözügedən dövlətlər qrupu ölkə ərazisində informasiya-kommunikasiya infrastrukturu üzərində nəzarəti və beynəlxalq informasiya təhlükəsizliyi sahəsində öz siyasətini müəyyənləşdirməyi dövlətlərin suveren hüququ kimi tanıyıb" - Krutskix qeyd edib.

 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.