PROQRAMLAR

Google şirkəti özünün Go adlı açıq proqramlaşdırma dili barədə elan edib. Şirkət nümayəndələrinin sözlərinə görə, Go özündə C++ dilinin yüksək məhsuldarlıq və təhlükəsizliyini Python kimi dillərin dinamik proqramlaşdırılmasını özündə birləşdirən eksperimental bir dildir.

Xeberler.az-ın Rabitə İnformasiya Texnologiyaları Nazirliyinin-in rəsmi saytına istinadən yaydığı məlumata əsasən, hazırda Go layihəsi proqramlaşdırma dili, kompilyator dəsti və Go proqramlarına bir sıra quraşdırılmış funksiyaları əlavə etmək imkanı yaradan xüsusi əlavələr toplusundan ibarətdir.

Go-nun işlənib hazırlanması Google-də iki ildir ki aparılır. Layihə Google şirkətinin əməkdaşlarına iş vaxtlarının 20 faizini öz ideya və eksperimentlərinə həsr etmək imkanı yaradan proqram çərçivəsində kənar işləmə kimi icra olunub.  

Google həmçinin yeni proqram dilinə həsr olunmuş Golag.org saytını yaradıb. Bu resurs vasitəsilə Go ilə işləmək üçün lazım olan bütün proqram təminatını yükləmək mümkündür. Layihənin rəsmi tilsimi Qordon adlı sünbülqıran olub.

Yeni dilin köməyi ilə tərtibatçılar digər dillərə xas olan mürəkkəbliksiz çoxnüvəli prosessor və paralel hesablamaları dəstəkləyən müxtəlif əlavələr yarada biləcəklər.