Hakerlər Ceyms Bond haqda növbəti filmin ssenarisini oğurlayıblar

15-12-2014 / 13:05

Hakerlər  007 adlanan super xəfiyyə Ceyms Bond haqda çəkilən növbəti filmin ssenarisini oğurlayıblar. Prodüserlər filmin məzmununun internetdə yayılacağından ehtiyat edirlər.

Bizimyol.info  Lenta.ru-ya istinadla bildirir ki, Sony Pictures Entertainment şirkətinin serverlərinə edilən kiberhücum “Spektr” filminin süjetinin ilkin variantının oğurlanmasını ilə nəticələnib. Mətnin internetdə yerləşdirilməsini qabaqlamaq üçün Metro-Goldwyn-Mayer kino şirkəti hakerlərə ssenarinin müəllif hüquqları haqda qanunla qorunduğunu xatırladıb.

Hakerlər şirkətin serverlərinə hücumu noyabrın sonunda təşkil ediblər. Bundan sonra Sony Pictures-in bir neçə filmi qlobal şəbəkədə peyda olub, bəzi Holluvud ulduzlarının və Avropanın kral ailələrinin şəxsi məlumatları da internetdə yayımlanıb. Araşdırmanı ABŞ-ın Federal Təhqiqatlar Bürosu və Milli Təhlükəsizlik Nazirliyi aparır.

Bond haqda növbəti 24-cü filmin ekranlara 2015-ci ilin noyabrın çıxacağı gözlənilirdi. Super xəfiyyənin Azərbaycandakı macəraları haqda da film çəkilib.  007-yə həsr olunmuş, məşhur kino ulduzları Pirs Brosnan və Sofi Marsonun iştirakı ilə çəkilmiş “Dünya bəs eləməz” (“The world is not enough”) filmi Bakı-Tbilisi-Ceyhan kəmərindən bəhs edir. Filmin çəkilişinin bir hissəsi Bakıda reallaşıb.

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.