Previous Next
Bağla

Azərbaycan rəqəmsal hökumətin inkişafına görə dünya üzrə 38-ci yerdədir

20-11-2026 11:51
Azərbaycan rəqəmsal hökumətin inkişafına görə dünya üzrə 38-ci yerdədir

Azərbaycan BMT-nin 19 noyabr 2026-cı ildə Elektron Hökumətin İnkişafı İndeksi (EHİİ) üzrə açıqladığı hesabata əsasən rekord irəliləyiş əldə edib. Ölkəmiz nüfuzlu dünya reytinqində 2024-cü ildəki 74-cü yerdən 36 pillə irəliləyərək reytinqin 38-ci mövqeyinə yüksəlib. Azərbaycanın ümumi EHİİ göstəricisi 0,8847 bal təşkil edib və bu da 2024-cü ilin göstəricisi (0,7607) ilə müqayisədə 16,3% artım deməkdir. Beləliklə Azərbaycan “Çox yüksək EHİİ” kateqoriyasında daha üstün rəqəmsal inkişafa nail olub və Avstriya, Yaponiya, Kanada, İsrail kimi ölkələrin də yer aldığı V3 altqrupuna yüksəlib.

Xeberler.az məlumat verir ki, bu barədə İnnovasiya və Rəqəmsal İnkişaf Agentliyindən (İRİA) bildirilib.

BMT-nin İqtisadi və Sosial Məsələlər Departamenti tərəfindən iki ildən bir hazırlanan EHİİ ölkələrin rəqəmsal hökumət sahəsində inkişaf səviyyəsini Onlayn Xidmətlər İndeksi (OSI), Telekommunikasiya İnfrastrukturu İndeksi (TII) və İnsan Kapitalı İndeksi (HCI) olmaqla üç əsas komponent üzrə qiymətləndirir. 2026-cı il hesabatına rəqəmsal dövlət xidmətlərinin inteqrasiyası, vətəndaşların həyat hadisələrinə uyğun xidmətlər və süni intellekt əsaslı həllər kimi yeni istiqamətlər əlavə edilib.

Belə ki, Azərbaycanın BMT-nin EHİİ 2026 hesabatında hər üç əsas komponent üzrə ardıcıl irəliləyişi qeydə alınıb. Ən böyük yüksəliş Onlayn Xidmətlər İndeksindədir (OSI). Ölkəmiz bu göstərici üzrə 2024-cü ildəki 67-ci yerdən 56 pillə irəliləyərək dünyada 11-ci yerə yüksəlib. Qeyd edək ki, Onlayn Xidmətlər İndeksi dövlət xidmətlərinin rəqəmsal mühitdə inkişaf səviyyəsini qiymətləndirən beş əsas altindeksi — institusional çərçivə, xidmətlərin təqdim edilməsi, məzmunun təqdim edilməsi, texnologiya, eləcə də vətəndaşların iştirakı və cəlb olunmasını özündə ehtiva edir.

Azərbaycan onlayn xidmətlərin inkişaf səviyyəsinə görə Böyük Britaniya (12), İslandiya (16), ABŞ (18), Kanada (20), Norveç (22), Avstraliya kimi Avropa və yüksək gəlirli ölkələrin göstəricilərini də üstələyib. İndeksin xidmətlərin təqdim edilməsi altindeksi üzrə ölkəmiz dünyada 10-cu, institusional çərçivə üzrə isə 1-ci yerdədir. Qeyd edək ki, xidmət təqdimatı altindeksində Azərbaycan dünya üzrə EHİİ göstəricisinə görə 8-ci mövqedə olan Estoniya ilə 10-cu yeri bölüşür.

Beləliklə, BMT-nin Elektron Hökumətin İnkişafı İndeksində əldə olunan tarixi nəticə ölkədə həyata keçirilən kompleks rəqəmsallaşma tədbirləri fonunda qeydə alınıb. Azərbaycanda rəqəmsal transformasiyanın dövlət siyasətinin prioritet istiqamətlərindən biri kimi müəyyənləşdirilməsi, bu sahədə strateji və institusional çərçivənin formalaşdırılması, eləcə də dövlət qurumları arasında koordinasiyalı fəaliyyət rəqəmsal hökumətin inkişafında mühüm rol oynayıb.

Rəqəmsal transformasiyaya sistemli yanaşmanın formalaşmasında Azərbaycan Respublikasının Prezidenti İlham Əliyevin bu sahəyə göstərdiyi ardıcıl diqqət mühüm rol oynayıb. Dövlət başçısının sədrliyi ilə “Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirənin keçirilməsi, eyni zamanda Rəqəmsal İnkişaf Konsepsiyası, "Rəqəmsal inkişafın sürətləndirilməsinə dair 2026−2028-ci illər üçün Fəaliyyət Planı" da daxil olmaqla strateji sənədlərin, eləcə də vençur maliyyələşdirilməsinin və kraudfandinq mexanizmlərinin inkişafına, İKT şirkətlərinin və startapların fəaliyyətinin stimullaşdırılmasına, güzəştlər paketinin genişləndirilməsinə və texnoparkların fəaliyyətinin hüquqi tənzimlənməsinin təkmilləşdirilməsinə yönəlmiş qanunvericilik aktlarının qəbulu həyata keçirilən islahatlara əlavə təkan verib.

Bu addımlar dövlət xidmətlərinin rəqəmsallaşdırılmasını, məlumat infrastrukturunun inkişafını, süni intellekt texnologiyalarının tətbiqini, kibertəhlükəsizliyin təmin edilməsini və dövlət idarəçiliyinin səmərəliliyinin artırılmasını əhatə edən daha kompleks yanaşmaya keçidi mümkün edib.

Bu prioritetlərin sistemli şəkildə həyata keçirilməsində Azərbaycan Respublikasının Birinci vitse-prezidenti Mehriban Əliyevanın rəhbərlik etdiyi Rəqəmsal İnkişaf Şurasının fəaliyyəti xüsusi əhəmiyyət daşıyır. Rəqəmsal transformasiya proseslərinin belə yüksək səviyyədə əlaqələndirilməsi qurumlararası əməkdaşlığın gücləndirilməsinə, qəbul edilən qərarların uzlaşdırılmasına və strateji təşəbbüslərin icrasının sürətləndirilməsinə töhfə verir. Nəticədə rəqəmsal inkişaf getdikcə daha çox konkret nəticələrin əldə edilməsinə, vətəndaşlar və biznes üçün xidmətlərin keyfiyyətinin yüksəldilməsinə yönəlmiş vahid dövlət siyasəti xarakteri alır.

Dövlət qurumlarının birgə fəaliyyəti çərçivəsində xidmətlərin yenidən qurularaq tam rəqəmsal formata keçirilməsi və vahid platforma üzərindən təqdim olunması istiqamətində işlər davam etdirilir. Bu prosesdə əsas həllərdən biri olan “mygov” müxtəlif dövlət qurumlarının xidmətlərini vahid rəqəmsal mühitdə birləşdirərək vətəndaşların onlara daha rahat və operativ çıxışını təmin edir. “Bir pəncərə” prinsipinin tətbiqi dövlət xidmətlərinin daha inteqrasiya olunmuş və proaktiv model əsasında inkişafına şərait yaradır. Bununla yanaşı, qurumlararası məlumat mübadiləsinin “digital.bridge” əsasında genişləndirilməsi, həmçinin Rəqəmsal Sənəd Dövriyyəsi ilə “Kağızsız hökumət” prinsiplərinin tətbiqi rəqəmsal hökumət ekosisteminin keyfiyyətcə təkamülündə müstəsna rol oynayıb.

Qeyd edək ki, BMT-nin İqtisadi və Sosial Məsələlər Departamenti tərəfindən iki ildən bir dərc olunan EHİİ dünya ölkələrinin rəqəmsal hökumət sahəsində inkişaf səviyyəsini qiymətləndirən əsas beynəlxalq meyarlardan biridir. Bu il EHİİ 194 ölkəni onlayn xidmətlərin inkişaf səviyyəsi, telekommunikasiya infrastrukturu və insan kapitalı olmaqla üç əsas komponent üzrə qiymətləndirib. Ölkələr əldə etdikləri ümumi indeks balına əsasən “aşağı”, “orta”, “yüksək” və “çox yüksək” inkişaf kateqoriyalarına bölünür. İndeksin əsas məqsədi ölkələrdə rəqəmsal dövlət idarəçiliyinin inkişaf dinamikasını izləmək, beynəlxalq müqayisələr aparmaq və bu sahədə təkmilləşdirilməli istiqamətləri müəyyənləşdirməkdir.

ŞƏRHLƏR
OXŞAR XƏBƏRLƏR
Azərbaycan nüfuzlu beynəlxalq reytinqdə tarixi göstəriciyə nail olub

Azərbaycan nüfuzlu beynəlxalq reytinqdə tarixi göstəriciyə nail olub

18-09-2024
Elektron Hökumətin İnkişafı İndeksi üzrə fəaliyyət planı hazırlanıb

Elektron Hökumətin İnkişafı İndeksi üzrə fəaliyyət planı hazırlanıb

18-12-2024
Azərbaycan elektron hökumətin inkişafı üzrə “Çox Yüksək EGDI” kateqoriyasına  yüksəlib.

Azərbaycan elektron hökumətin inkişafı üzrə “Çox Yüksək EGDI” kateqoriyasına yüksəlib.

19-09-2024
Azərbaycan süni intellektə hazırlıq səviyyəsinə görə ən yüksək irəliləyiş əldə edib

Azərbaycan süni intellektə hazırlıq səviyyəsinə görə ən yüksək irəliləyiş əldə edib

05-01-2026
“Rəqəmsal hökumətin inkişafı” mövzusunda vörkşop keçirilib

“Rəqəmsal hökumətin inkişafı” mövzusunda vörkşop keçirilib

02-07-2026
İRİA ilə İctimai Şura üzvləri arasında görüş keçirilib

İRİA ilə İctimai Şura üzvləri arasında görüş keçirilib

06-07-2026
“Rəqəmsal Hökumətin İnkişafı” işçi qrupunun ilk iclası keçirilib

“Rəqəmsal Hökumətin İnkişafı” işçi qrupunun ilk iclası keçirilib

18-12-2024
Rəqəmsal islahatlara dair ictimai dinləmə keçirilib

Rəqəmsal islahatlara dair ictimai dinləmə keçirilib

08-07-2026
Azərbaycan BMT-nin Elektron Hökumət İndeksində ilk 30 ölkə sırasına daxil olmağı hədəfləyir

Azərbaycan BMT-nin Elektron Hökumət İndeksində ilk 30 ölkə sırasına daxil olmağı hədəfləyir

08-09-2026
Rəqəmsal inkişaf planı təsdiqləndi – Nələr gözlənilir?

Rəqəmsal inkişaf planı təsdiqləndi – Nələr gözlənilir?

02-03-2026
"mygov" ilə dövlət xidmətləri vətəndaş rəyi əsasında inkişaf etdiriləcək

"mygov" ilə dövlət xidmətləri vətəndaş rəyi əsasında inkişaf etdiriləcək

05-05-2026
Azərbaycan elektron hökumətin inkişafına görə dünyada “yüksək liqa”dadır

Azərbaycan elektron hökumətin inkişafına görə dünyada “yüksək liqa”dadır

12-07-2020
 "Bakı Avropa və Asiya arasında 4 istiqamətdə rəqəmsal dəhliz qurur"

"Bakı Avropa və Asiya arasında 4 istiqamətdə rəqəmsal dəhliz qurur"

06-10-2026
İRİA: "Əsas hədəfimiz dövlət xidmətlərini daha proaktiv etməkdir"

İRİA: "Əsas hədəfimiz dövlət xidmətlərini daha proaktiv etməkdir"

08-09-2026
Samir Məmmədov: "KOB-ların rəqəmsallaşması EGDI hesabatında Azərbaycanın reytinqini artıracaq"

Samir Məmmədov: "KOB-ların rəqəmsallaşması EGDI hesabatında Azərbaycanın reytinqini artıracaq"

30-09-2024
Azərbaycan qlobal elektron hökumət indeksində 8 pillə irəliləy

Azərbaycan qlobal elektron hökumət indeksində 8 pillə irəliləy

17-04-2023
Azərbaycan hökumətin rəqəmsallaşması səviyyəsinə görə dünya ölkələri arasında yüksəkdədir

Azərbaycan hökumətin rəqəmsallaşması səviyyəsinə görə dünya ölkələri arasında yüksəkdədir

17-09-2021
“Əqli mülkiyyət idarələri üçün İKT yetkinlik indeksi”nə baxılıb

“Əqli mülkiyyət idarələri üçün İKT yetkinlik indeksi”nə baxılıb

16-04-2026
Yeni nəsil dövlət idarəçiləri qabaqcıl süni intellekt həllərini öyrənirlər

Yeni nəsil dövlət idarəçiləri qabaqcıl süni intellekt həllərini öyrənirlər

06-07-2026
“Azərbaycanda Rəqəmsal İnkişaf Konsepsiyası” müzakirə edilib

“Azərbaycanda Rəqəmsal İnkişaf Konsepsiyası” müzakirə edilib

22-04-2025
Müdafiə Nazirliyi və İRİA kibertəhlükəsizlik üzrə əməkdaşlığı genişləndirir

Müdafiə Nazirliyi və İRİA kibertəhlükəsizlik üzrə əməkdaşlığı genişləndirir

09-07-2026
Azərbaycan Milli Kibertəhlükəsizlik İndeksi üzrə dünya reytinqində 21 pillə irəliləyib

Azərbaycan Milli Kibertəhlükəsizlik İndeksi üzrə dünya reytinqində 21 pillə irəliləyib

06-05-2026
“ASAN xidmət”in innovasiyaları Azərbaycanın reytinqinə töhfə verir

“ASAN xidmət”in innovasiyaları Azərbaycanın reytinqinə töhfə verir

24-09-2024
İRİA və Efiopiyanın dövlət rəsmiləri görüşüb

İRİA və Efiopiyanın dövlət rəsmiləri görüşüb

10-12-2024





sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə