Böyük Britaniyada iri supermarketlərdə, anbarlarda, restoranlarda, yanacaqdoldurma məntəqələrində və stadionlarda istifadə olunan on minlərlə soyuducu və dondurucu sisteminin haker hücumlarından qorunması məqsədilə ölkə miqyasında gizli kibertəhlükəsizlik əməliyyatı həyata keçirilib.
Xeberler.az BBC-yə istinadən məlumat verir ki, son dövrlərdə Avropada baş verən silsilə kiberhücumlar nəticəsində yüzlərlə mağazada tonlarla ərzaq məhsulu xarab olub və milyonlarla funt sterlinq məbləğində maddi ziyan dəyib.
Fransa hakimiyyəti ölkədəki supermarketlərə təsir göstərən kiberhücum dalğalarından birinə görə İranı ittiham edib. Rəsmi Tehran isə bu iddiaları rədd edib. İndiyədək Böyük Britaniyanın soyuducu sənayesində fərqli texnoloji avadanlıqlardan istifadə olunduğu üçün ölkənin bu cür hücumlardan böyük ölçüdə qorunduğu düşünülürdü. Lakin aparılan araşdırmalar zamanı sektorda ciddi təhlükəsizlik boşluğunun mövcud olduğu müəyyən edilib. Oktyabrın sonlarında kibertəhlükəsizlik üzrə tədqiqatçılar soyutma sistemlərində hakerlər tərəfindən aşkar ediləcəyi təqdirdə ölkə miqyasında daha ağır nəticələrə səbəb ola biləcək ciddi zəiflik müəyyən ediblər. Bundan sonra kibertəhlükəsizlik mütəxəssisləri, informasiya texnologiyaları qrupları və Böyük Britaniyanın Milli Kibertəhlükəsizlik Mərkəzi (NCSC) onlarla şirkəti mümkün təhlükə barədə xəbərdar etmək və sistemlərdəki boşluqları aradan qaldırmaq üçün fasiləsiz fəaliyyət göstəriblər.
BBC qeyd edib ki, hakerlərin mövcud zəiflikdən xəbər tutaraq ondan sui-istifadə etməsinin qarşısını almaq məqsədilə genişmiqyaslı əməliyyat barədə məlumat indiyədək ictimaiyyətə açıqlanmayıb.
























Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları