AZNET

Goldenpay/Hesab.az onlayn xidmətlər platforması ilə Bakcell şirkəti istifadəçilərinə hədiyyəli kampaniya elan edirlər. 

Azərbaycanda onlayn ödəmələr sahəsində ilk şirkət Hesab.az və mobil rabitə sahəsində ilk və ən böyük şirkətlərdən olan Bakcell “Ulduzum”-un birgə əməkdaşlığına əsasən başlayan kampaniya iştirakçılara hədiyyə internet qazandıracaq.

Xeberler.az bildirir ki, kampaniyada iştirak etmək üçün istifadəçilər Hesab.az saytı, yaxud mobil tətbiqi ilə qeydiyyatlı şəkildə “ƏDV Geri Al” qəbzlərini oxutmalıdırlar. Qeyd edək ki, kampaniya ABB üzərindən Bakcell nömrəsi ilə olan “ƏDV Geri Al” hesablarına şamil olunacaq. Qəbzi uğurla oxutduqdan sonra, 100 MB internet datası istifadəçilərin balansına dərhal yatırılacaqdır. Kampaniya 3 Oktyabr – 3 Noyabr 2022-ci il tarixləri arasında davam edəcəkdir.

Kampaniyadan faydalanmaq və daha ətraflı məlumat əldə etmək istəyənlər qaydalarla buradan tanış ola bilər.

İstifadəçilərini hər zaman xüsusi kampaniyalarla sevindirən GoldenPay/Hesab.az şirkətinin fəaliyyəti haqqında daha ətraflı məlumatı www.hesab.az saytından, *0713 Çağrı Mərkəzindən və ya platformanın Facebook, İnstagram səhifələrindən əldə etmək olar.

Bakcell şirkəti ölkənin ən genişmiqyaslı loyallıq proqramlarından birini həyata keçirməklə öz abunəçilərini eksklüziv endirimlər və güzəştlərlə təmin edir. Azərbaycanda ən uğurlu loyallıq proqramlarından biri hesab olunan “Ulduzum”un geniş partnyor şəbəkəsi yüzlərlə yerli və beynəlxalq tərəfdaşın satış və xidmət nöqtəsini özündə birləşdirir.