İdman kanalları kabel televiziya xidmətlərinin baza paketindən çıxarılmayacaq

24-08-2015 / 17:57

Azərbaycan Kabel Operatorları Assosiasiyası (AKOA) yerli kabel televiziya xidmətləri operatorlarının təqdim etdiyi baza paketində yeni tariflərin tətbiqindən sonra idman kanallarının çıxarılmayacağını bildirib.

Rabitə və Yüksək Texnologiyalar Nazirliyindən Xəbərlər-ə verilən məlumata görə, AKOA-nın icraçı direktoru Əli Əliyev sentyabrın 1-dən vahid xidmət tarifinin qüvvəyə minəcəyini və bu tarif müqabilində müştərilərə 100 kanaldan ibarət baza paketinin təqdim ediləcəyini deyib.

"Bu paketdə mövcud olan idman kanallarının çıxarılması nəzərdə tutulmayıb. İstifadəçilər NTV+ şirkətinin Futbol 1, Futbol 2, Futbol 3, Sport- Plus və digər populyar kanallara baxmaqda davam edəcəklər. Bundan başqa, onlar Extra Paket alaraq 10 əlavə idman kanalı seçərək baxmaq imkanına malik olacaqlar. Bu, İngiltərə Liqası, Rusiyanın və digər ölkələrin idman kanalları ola bilər", - deyə icraçı direktor qeyd edib.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə