İnnovasiyalar Agentliyi daha bir konfransda təmsil olunacaq

23-08-2019 / 10:15

Xeberler.az-ın məlumatına görə, cari ilin sentyabrın 2-3-də Monqolustanın paytaxtı Ulan-Batorda Ümumdünya Əqli Mülkiyyət Təşkilatı tərəfindən açıq dənizə və dənizə çıxışı olmayan, az inkişaf etmiş və inkişaf edən ölkələr üçün “İnnovasiyalar və texnologiyalar sahəsində potensialın artırılması istiqamətində əməkdaşlığın qurulması” üzrə regionlararası konfrans keçiriləcək. Nəqliyyat, Rabitə və Yüksək Texnologiyalar Nazirliyinin tabeliyində İnnovasiyalar Agentliyi konfransda təmsil olunacaq.

Agentlikdən bildirilib ki, konfrans çərçivəsində əqli mülkiyyət sistemi və innovasiyadan istifadə etməklə iqtisadi inkişafın dəstəklənməsi, bununla bağlı gələcək əməkdaşlığın mümkün addımları, milli inkişaf məqsədinə çatmaq üçün elmi və texniki potensialdan səmərəli istifadə yolları və başqa mövzular müzakirə ediləcək. Konfransa İnnovasiyalar Agentliyinin əməkdaşı da qatılacaq və agentliyin fəaliyyəti haqqında təqdimatla çıxış edəcək.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.