TƏDBİRLƏR

Multimedia Mərkəzi “Müəllimlər üçün sosial servislər və İnternet texnologiyalar”  mövzusunda Təlimlərə start verib.  Təlimlər Mərkəz tərəfindən həyata keçirilən   “Sosial servislərin pedaqoji imkanlarından effektiv istifadə mexanizmlərinin hazırlanması və İKT- dən istifadə edən müəllimlərin peşəkarlığının artırılmasına dəstək” Layihəsi çərçivəsində keçirilir.

Ümumtəhsil məktəblərinin müxtəlif fənn müəllimləri üçün nəzərdə tutulan Təlimlər 5 gün davam edəcək.

Təlimlərdə müəllimlərə İnternet texnologiyalardan , xüsusilə Veb 2.0 texnologiyalarından və sosial servislərdən tədris prosesində effektiv istifadə üsulları öyrədilir. Təlimlərdə sosial servislərdən tədris məqsədilə istifadə sahəsində bilik və bacarıqların mənimsənilməsinə yönələn mövzulara üstünlük verilib.  Təlimlərin yekununda müəllimlər Bloqların yaradılması və tədris imkanlarının üzə çıxarılması yolları, sosial İnternetdən təhsil məqsədləri üçün səmərəli istifadə qaydaları, real vaxtda müxtəlif istifadəçilərin birlikdə fəaliyyətinə imkan verən sosial servislərdən istifadə qaydaları və s mövzular üzrə bilik və bacarıqlar əldə edəcəklər.

Təlimlər təhsil və yeni media sahəsində ekspertlər tərəfindən aparılır.

Multimedia Mərkəzi bildirir ki, Layihə Təhsil sisteminin informasiyalaşdırılması idarəsi və “Elektron məktəb” Layihəsinə qoşulan təhsil müəssisələri ilə əməkdaşlıq şəraitində gerçəkləşir.
Layihə İREX təşkilatı tərəfindən dəstəklənib.

xeberler.az/Günel