İnternet texnologiyaların , sosial servislərin tədris prosesində rolu mövzusunda Dəyirmi Masa keçirilib

05-04-2012 / 18:07
Bu gün Multimedia Mərkəzi tərəfindən “Sosial servislərin tədris prosesində rolu”  mövzusunda Dəyirmi Masa  keçirilib.  Tədbir Mərkəzin həyata keçirdiyi   “Sosial servislərin pedaqoji imkanlarından effektiv istifadə mexanizmlərinin hazırlanması və İKT- dən istifadə edən müəllimlərin peşəkarlığının artırılmasına dəstək” Layihəsi çərçivəsində baş tutub.

Dəyirmi Masada Mərkəzin direktoru, AİF prezidenti Osman Gündüz və Təhsil sisteminin informasiyalaşması idarəsinin şöbə müdiri Ramil Süleymanovun mövzu ətrafında təqdimatları olub. Təqdimatlarda İnternetdə mövcud olan müxtəlif sosial resursların tədris məqsədləri üçün  istifadəsi imkanlarına, İnternet texnologiyalardan təhsil sistemində daha effektiv istifadəsi məsələlərinə, beynəlxalq təcrübəyə və mövcud problemlərə  geniş yer ayrılıb.

Toplantıda maraqlı tərəflərin iştirakı ilə  faydalı müzakirələr keçirilib. Mövzu ətrafında müzakirələrdə Microsft-Azərbaycan- nın nümayəndəsi Emin Axundov, 283 Salı və 23 saylı məktəblərin  informatika müəllimləri Naidə İsayeva və Abdulla Qəhrəmanov, Avropa Liseyinin İKT üzrə direktor müavini Rahilə Əliyarzadə, İdrak məktəbinin direktoru Fatmaxanım Bünyadova,  AMEA İTİ –nin Tədris bölməsinin rəhbəri Rəsmiyyə Mahmudova,  Avropa –Azərbaycan məktəbinin  müəlliməsi Almaz Həsrət, Bakı Kompüter Kollecinin direktoru Irdaə Səfərova, Elitar Gimnaziyanın direktoru Sevda Quliyeva, İREX  təşkilatının əməkdaşı Ələsgər Məmmədli,  Bakı Təhsil İdarəsinin nümayəndəsi Şəhla Kərimova , İTV –nin Təhsil Departamentinin rəhbəri Cəsarət Valehov, BDU –nun dosenti Ramin Mahmudzadə , Təhsil Nazirliyinin nümayəndəsi Akif Əliyev də digərləri çıxış ediblər.

Çıxışlarda İKT-nin tədris prosesinə inteqrasiyasında  İnternet  texnologiyaların , sosial servislərin əhəmiyyətli rolu vurğulanıb. Müəllimlər  üçün adı çəkilən mövzu üzrə təlimlərinin keçirilməsinin , müəllimlərin şəbəkə cəmiyyətlərinin, virtual metodik  birliklərinin yaradılmasının vacibliyi qeyd edilib. Təhsil müəssisəsi rəhbərlərinin bu sahədə məsuliyyətinin daha çox olması diqqətə çatdırılıb.  İnternet texnologiyalardan təhsil məqsədləri üçün effektiv istifadə mexanizmlərinin  hazırlaması və tətbiqi,  informasiyalaşma prosesinə metodiki-informasiya dəstəyinin göstərilməsi istiqamətində idarəetmə orqanlarının səylərinin artırılmasının vacibliyi  qeyd edilib

Multimedia Mərkəzi bildirir ki, Layihə Təhsil sisteminin informasiyalaşdırılması idarəsi və “Elektron məktəb” Layihəsinə qoşulan təhsil müəssisələri ilə əməkdaşlıq şəraitində gerçəkləşir. Növbəti mərhələdə İnternet texnologiyalardan , sosial servislərdən təhsil məqsədləri üçün istifadə ilə bağlı bir qrup müəllimlərə Təlimlər keçirilməsi nəzərdə tutulub.

Dəyirmi Masada təhsil müəssisələrinin, müvafiq dövlət qurumlarının,  Vətəndaş Cəmiyyəti subyektlərinin və beynəlxalq qurumların  nümayəndələr iştirak edib.

Layihə İREX təşkilatı tərəfindən dəstəklənib.

xeberler.az /Günel


ŞƏRHLƏR


OXŞAR XƏBƏRLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.