TENDER

McAfee şirkətinin kibertəhlükələr üzrə ekspertləri İnternet aləmində ən təhlükəli personajın şəxsiyyətini açıqlayıb.

Xeberler.az bildirir ki, bu haqda Associated Press məlumat yayıb.

Bu, 2013-cü ildən bugünədək heç bir albom təqdim etməyən, lakin İnternetdə öz adına müntəzəm olaraq zərərverici məzmunlu kontent yayan kanadalı məşhur müğənni Avril Lavigne-dir.

McAfee mütəxəssislərinin apardığı təhlilin nəticələrinə görə, kibercinayətkarlartəhlükəli proqram təminatlarını əsas etibarilə, məhz pop müğənnilərin adı ilə bağlı olan materiallarda yerləşdirirlər.

Beləliklə, Avril Lavigne ən zərərverici məşhur olub. Axtarış sistemlərinin bu müğənninin pulsuz MP3-lərinin sorğusu üzrə istifadəçilərə verdiyi istinadlar  22 faiz ehtimalla virus olan saytlara gətirib çıxarır.

Qeyd olunur ki, müğənninin mahnıları ilə maraqlanmayan və onun yalnız şəkillərinə baxmaq üçün sayta daxil olan istifadəçilərin təhlükəli virusa rast gəlmək ehtimalı 14,5 faizdir.

İlin ən təhlükəli məşhurlarının siyahısına, həmçinin müğənnilər Bruno Mars, Zayn Malik, Celine Dion, KatyPerry və Beyonce da daxil olublar.

Məlumata görə, Avril Lavigne McAfee-nin illik top siyahısında birinci yeri tutmuş ilk qadın-musiqiçidir. Ötən ilin lideri məşhur komediya ustası, stəndapçı Emi Summer, 2015-ci ilin lideri isə hollandiyalı musiqiçi Armin van Buuren olub.

Xeberler.az