“G DATA SecurityLabs” şirkətinin məlumatına görə, 2014-cü ildə informasiya təhlükəsizliyi ekspertləri tərəfindən hər dörd saniyədə yeni zərərli proqram təminatı növü aşkarlanıb. Yeni zərərli proqram təminatının 4,1 milyonu ötən ilin ikinci rübündə aşkar edilib. Zərərli proqram təminatının yaranmasının artım tempi 2014-cü ilin birinci yarısında 125 faiz yüksəlib. İl ərzində ümumilikdə 6 milyona yaxın yeni zərərli proqram təminatı aşkar edilib ki, bu da 2013-cü ildən 77 faiz çoxdur.
Məlumatlar göstərir ki, cinayətkarlar kiberhücumlarda tez-tez troyanlardan istifadə edib. Bundan başqa, reklam proqram təminatının informasiya təhlükəsizliyi mütəxəssislərinin aşkar etdiyi zərərli proqram təminatında payı 31,4 faizə bərabər olub. Zərərli proqramlar daha çox 2014-cü ilin ikinci yarısında qeydə alınıb. Casusluq proqramlarının yayılma tempi artdığı halda bekdorlarda azalma müşahidə edilib. 2014-cü ilin ikinci yarısında aşkar olunan rutkitlərin sayı 18 dəfə artıb. Bank troyanlarından istifadə etməklə həyata keçirilən kiberhücumların sayı 44,5 faiz yüksəlib.
“G DATA SecurityLabs” rəhbəri Ralf Bensmüller bildirib ki, bank təhlükəsizlik sistemlərinin daima yaxşılaşması səbəbindən cinayətkarlar daha hiyləgər və təhlükəli fırıldaqçılıq kampaniyaları fikirləşirlər.
Xeberler. az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları