İstifadəçilər Trump-a görə Uber-dən imtina edir

03-02-2017 / 13:50

Məlum olduğu kimi, Uber CEO-su Travis Kalanick Amerika prezidenti Donald Trump-ın un immiqrasiya şərtlərinin sərtləşdirilməsi qərarını dəstəkləyib. Buna görə də Uber ABŞ-da hava limanında Donald Trump-a qarşı  təşkil edilən etirazlara qatılmayıb.

Bu da Uber-ə baha başa gəlib.

Xeberler.az The New York Times-ın paylaşdığı məlumatlara istinadən bildirir ki, şirkətin bu etirazlara qatılmamasına görə başladılan #DeleteUber (#UberiSil) kampaniyası 6 gündə 200 mindən çox Uber hesabının silinməsinə səbəb olub.

Qeyd edək ki, #DeleteUber kampaniyası başladıqdan sonra geri addım atan və bu qərara görə zərər görən  sürücülərinə 3 milyon dollar ödəyəcəklərini açıqlayan Travis Kalanick Trump-ın qərarlarını da tənqid edib.

Amma bunlar #DeleteUber kampaniyasının sürətlə yayılmasının qarşısını ala bilməyib.

Daha çox istifadəçi itirmək istəməyən Kalanick İqtisadi Məsləhət Şurasındakı vəzifəsindən də imtina edib.

Belə ki,Travis Kalanick təxminən 200 min Uber hesabının silinməsinin ardından şirkət işçilərinə göndərdiyi bir mail ilə  Donald Trump-un İqtisadi Məsləhət Şurasından ayrılacağını açıqlayıb. 

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.