SOSİAL MEDIA

Məlum oldğu kimi, ABŞ-ın yeni prezidenti Donald Trump ölkədə  miqrasiya siyasətinin sərtləşdirilməsi haqqında yeni fərman qəbul edib.

Belə ki, fərmanda İraq, İran, Suriya, Sudan, Yəmən, Liviya və Somali vətəndaşlarının 90 gün ərzində Birləşmiş Ştatlar ərazisinə buraxılmaması qeyd edilib. Məlumata görə, bu siyahı artırıla bilər.

Əlbəttə ki, yeni fərman dünya ölkələri tərəfindən birmənalı qarşılanmır. Qeyd edilir ki, Trump immiqrasiya siyasətini sərtləşdirməkdə tələskənliyə yol verib.

Yeni fərman tanınmış İT şirkətlərinin də ciddi narazılığına səbəb olub.

Məlumdur ki, bu gün Apple, Google kimi nəhəng şirkətlərdə çox sayda xarici mütəxəssis  çalışır.

Apple-ın ardınca Google da məsələ ilə bağlı yeni addım atıb.

Xeberler.az xarici mediaya istinadən məlumat verir ki, ölkənin lider texnologiya şirkəti Google immiqrant təşkilatlarına 4 milyon dollar bağışlayacağını açıqlayaraq müzakirələrə fərqli bir istiqamətdən yanaşıb.

Xatırladaq, Google-un CEO-su  Sundar Pichai də Hindistandan köç edən Tamil mənşəli bir amerikalıdır.

American Civil Liberties Union (ACLU), Immigrant Legal Resource Center (ILRC), International Rescue Committee (IRC) və UN High Commissioner for Refugees / UN Refugee Agency (UNHR) olmaq üzrə 4 təşkilat üzrə  bölüştürüləcək  4 milyon dolların yarısını şirkət, qalan 2 milyon dollarını isə şirkət işçiləri qarşılayacaq .

Bu, Google-un 2015-ci ildən köməyə ehtiyacı olanlar üçün 16 milyon dollar hədiyyəsindən sonra növbəti böyük yatırımdır.

Trump-ın immiqrant siyasətinə görə həmkarlarının ödəyəcəyi bədəlinonun üçün acı olduğunu deyən Google CEO-su yeni qərardan dolayı çox narahat olduqlarını bildirib.

O, yeni qərarın ümumu olaraq  Google-da çalışan 187  işçiyə təsir edəcəyini deyib.

Qeyd edək ki, yeni qərara Apple, Microsoft, Uber, Netflix kimi nəhəng şirkətlər də münasibət bildirərək, yeni qanunu dəstəkləmədiklərini elan edib.

Məltəm Talıbzadə