TƏDBİRLƏR

İnvestorları və sahibkarları texnologiya dünyası ilə daha yaxından tanış etmək üçün, Khazar Ventures şirkəti Silicon Valley-də yerləşən Twitter-dən Linkedin-ə kimi ən nəhəng korporasiyalarına, venture kapitalist şirkətlərinə, biznes inkubatorlarına, universitetlərə və böyük investor/starup icmalarına tur təşkil etməyə başlayır.

Şirkətdən Xəbərlər-ə verilən məlumata görə, turun proqramı investisiyaların perspektivlərini və Silicon Valley təcrübəsini Azərbaycanda tətbiq etmək üçün bazarın əsas oyunçuları və ən öncül mütəxəssisləri ilə qarşılıqlı əlaqəni təklif edir. İştirakçılar sahibkarlarla, investorlarla, top-menecerlər və texnologiya quruları ilə görüşüb, onlardan təcrübə qazanacaqlar.

Təşkilatçıların sözlərinə görə, turun iştirakçıları Google, Facebook, Twitter, Uber, Evernote və s. şirkətlərinin ofislərini ziyarət edəcəklər.

May ayında planlaşdırılan 10 günlük turun proqramı intensiv iştirak və vacib məqsədlər daşıyır. Bu məqsədlərə müvafiq təhsil almaq, qlobal düşünmək, Silicon Valley-in bu qədər uğurlu olmasının səbəbini öyrənmək və bu təcrübəni ölkəmizdə tətbiq etmək, dəyərli və müstəsna əlaqələr qurmaq məqsədləri daxildir.

Tur barədə daha ətraflı öyrənmək və proqramın cədvəlinə nəzər yetirmək üçün bura daxil ola bilərsiniz. 

Xeberler.az