Silicon Valley-də Azərbaycana məxsus İnnovasiya Evinin yaradılması vacibdir. Xeberler.az bildirir ki, bu sözləri Azərbaycan İnternet Formunun Prezidenti, ekspert Osman Gündüz deyib. Eksper Silicon Valley-dən ,Azərbaycanda fəaliyyət göstərən İnnovasiya agentliklərindən və bu agentliklərin Silicon Valley ilə birgə əməkdaşlıq təşəbbüslərindən danışıb:
"Son zamanlarda ölkəmizdə innovasiyaların inkişafı ilə bağlı həm infrastrukturun genişləndirilməsi, həm də hüquqi bazanın yaradılması istiqamətində müəyyən addımlar atılır. Yəni, bu ekosistemdə bir şaxələnmə gedir. Cari ilin əvvəlində İnnovasiyaların inkişafı ilə bağlı Prezident Fərmanı qəbul edilib və bu fərmanla artıq bütün dövlət qurumlarına innovasiyaların inkişafı üçün konkret tapşırıqlar verilib.
Artıq startap ekosistemdə bir neçə qurum var ki, ( İNNOLAND, KOBİA, İnnovasiya Agentliyi və s.) konkret bu istiqamətdə fəaliyyət göstərirlər. "INNOLAND" eyni zamanda beynəlxalq arenada, dünyanın ən qabaqcıl startap ekosistemi olan Silicon Valley ilə əlaqələri gücləndirmək üçün də işlər görür.
Bununla belə düşünürəm ki, bu sahədə bizim görəcəyimzi işlər çoxdur. İndiyədək də bizim Silicon Valley-də bir mərkəzimiz, bir İnnovasiya Evi-miz yoxdur. Qonşu ölkələr, Qazaxıstan, Rusiya, Ermənistan və s. xeyli müddətdir ki, Silicon Valley-də xüsusi mərkəzlər yaradıblar. Onlar bu mərkəzlər vasitəsilə öz yerli startaplarına köməklik göstərir, müxtəlif fondlarla görüşlər təşkil edir və yerli startaplara maliyyə tapmaqda köməklik göstərirlər. Startapçıların orda qısa müddət yaşaması üçün də imkanlar yaradıblar. Son dövrlərdə müşahidə olunur ki, xüsusilə Ermənistan və Qazaxıstan bu mərkəzlərdən, buradakı müxtəlif fondlardan öz yerli stratapları üçün böyük vəsaitlər əldə etməyə çalışırlar.
Düşünürəm ki, hökumətin, ASAN-nın Silicon Valley-də Azərbaycana məxsus İnnovasiya Evinin açılması layihəsinə diqqət yetriməsi çox faydalı olardı. Fikrimcə ASAN-nın İNNOLAND Akselerasiya Mərkəzi bunu öz üzərinə götürə bilərdi. Bu sahədə çalışan dostlarımızn bildirdiyinə görə bu , elə də böyük xərclər tələb etmir. Fikrimcə, gələcəkdə burada formalaşan milli startaplarımız da bu İnnovasiya Evinin saxlanılması xərclərinin də bir hissəsini öz üzərinə götürə bilərdi. Düşünürəm ki, indiki anda hökumətin bu istiqamətdə dəstəyinə ciddi ehtiyac var".
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları