İKT TƏHSİL

Təhsil Nazirliyi  yanvar ayında məktəblilər arasında  informatika (proqramlaşdırma) fənni üzrə olimpiadalar keçirəcək.

Xeberler.az bildirir ki, müsabiqə məktəb turu, zona turu 1, zona turu 2 - yarımfinal, respublika turu - final mərhələlərindən ibarət olacaq.

Belə ki, zona1 turu bu il internetə bağlanmış xüsusi otaqlarda keçiriləcək. Şagirdlər informatika.edu.az portalında olimpiada üçün xüsusi yerləşdirilmiş məsələləri 3 saat ərzində həll edəcəklər - proqram kodları yazacaqlar.
Zona 1 turuna istedadlı şagirdləri seçmək üçün məktəb turundan istifadə edilir. Bu zaman müəllimə seçimi informatika.edu.az portalı əsasında aparmağı tövsiyyə olunur.

Olimpiadada iştirak etmək istəyən şagirdlər internet bağlantısı olan otaqda toplanır. Portalda olan A, B və C tipli məsələlərdən şagirdlərə 5 məsələ (onların nömrələrini) seçib, təqdim edilir, 3 saat ərzində şagirdlər onların proqram kodlarını yazmalıdır.

Bu olimpiadanın nəticəsi əsasında məktəb zona 1 turuna iştirakçılar (iştirakçı) göndərə bilər. 

Qeyd edilir ki, şagird seçimi ənənəvi üsulla -vərəqdə tapşırıqlar verməklə da aparmaq olar. 
Əgər hansısa məktəbin şagirdi portalda qeydiyyatdan keçərkən reytinq cədvəlində irəlliyirsə, onda seçim aparmağa ehtiyac yoxdur. Həmin şagirdi birbaşa zona 1 turuna göndərmək olar.

Zona 1 turunda nəticələri yüksək olan ilk 100 şagird zona 2 turunda iştirak etməyə haqqı qazanacaq.

Ruhəngiz Muradova