Microsoft və RIM əməkdaşlığa başlayır

05-05-2011 / 01:02

Microsoft korporasiyasının rəhbəri Stiv Balmer bu günlərdə Kanadanın Research In Motion (RIM) şirkəti tərəfindən Floridada keçirilən BlackBerry World konfransında çıxış edərkən RIM-lə sıx əməkdaşlığın başlanması barədə elan edib.

Xeberler.az-ın Rabitə və İnformasiya nazirliyinin rəsmi internet səhfəsinə istinadən verdiyi xəbərə görə, tərəfdaşlığın ilk mərhələsində Microsoft Bing axtarış-informasiya onlayn servislərinin (Bing axtarış sistemi və Bing Maps kartoqrafik servisi) BlackBerry mobil qurğularında istifadə olunan proqram platforması ilə inteqrasiyası nəzərdə tutulur.

Gələcəkdə sözügedən əməkdaşlığın digər sahələrə də şamil olunacağı planlaşdırılır. Xüsusən də, BlackBerry smartfonlarının istifadəçiləri cari ilin aprel ayının ortasında kütləvi test mərhələsinə təqdim olunmuş Microsoft Office 365 “bulud” servisindən yararlana biləcəklər. S. Balmer qeyd edib ki, RIM-lə əməkdaşlıq Microsoft Windows Phone 7 mobil platformasının inkişafına mane olmayacaq.

Xatırladaq ki, 2011-ci ilin fevral ayında Microsoft Finlandiyanın Nokia şirkəti ilə də tərəfdaşlıq haqqında elan etmişdir. Bu əməkdaşlıq çərçivəsində Nokia Windows Phone 7 əməliyyat sistemi bazasında smartfonlar istehsal edəcək.

 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.