Yahoo! şirkəti Microsoft ilə əməkdaşlığı dayandırıb

24-10-2013 / 14:12

“Yahoo!” şirkəti “Microsoft” korporasiyası ilə axtarış sistemi sahəsində əməkdaşlıq üzrə razılığı pozub və məhkəmə dinləmələri ilə nəticələnib. “Yahoo!”  və “Microsoft” korporasiyası arasında “Bing” axtarış sistemi texnologiyasında istifadəyə dair 2010-cu ildə onillik saziş imzalanıb.

Hazırda “Yahoo!” biznes apardığı 16 beynəlxalq bazarın 14-də “Microsoft”un texnologiyasından istifadə edir. Sazişin şərtlərinə əsasən, oktyabrda “Yahoo!” qalan 2 bazarda – Honkonq və Tayvanda “Microsoft”un texnologiyasından istifadəyə keçməli idi, lakin şirkət yaxın rübdə bunun baş verməyəcəyini bəyan edib.

Xatırladaq ki, “Microsoft” rəhbəri Stiv Balmer vəzifəsini tərk edir. Marissa Mayer “Microsoft”un yeni rəhbəri ilə danışıqlar aparmayanadək axtarış sistemini tətbiq etməkdən imtina edir. M.Mayerin fikrincə, “Microsoft” ilə hazırkı formada əməkdaşlıq digər şirkətlər ilə olan əməkdaşlıq kimi xeyir gətirmir.

Məhkəmə “Microsoft”un iddiasını təmin edib və buna görə “Yahoo!” imzalanmış sazişi tam yerinə yetirmək məcburiyyətindədir. Qeyd etmək lazımdır ki, “Microsoft” və “Yahoo!”nun axtarış sistemləri ikisi birlikdə belə, “Google” axtarış sistemindən xeyli geri qalır. “Google”un bazar payı 67 faiz, “Yahoo!” və “Microsoft”un müvafiq olaraq 11,3 və 17,9 faiz təşkil edir. (mincom.gov.az)


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.