Milli Net - in Təşkilat Komitəsinin Müsabiqə Komissiyası ilə birgə toplantısı keçirilib

17-10-2009 / 21:02

Bu gün,17.10.2009 tarixində Milli Net - in Təşkilat Komitəsinin Müsabiqə Komissiyası üzvləri ilə birgə toplantısı keçirilib.

Toplantıda   Milli Net Təşkilat Komitəsi tərəfindən Müsabiqəyə start veriləndən sonrA görülən işlər haqqında məlumat  verilib. Eyni zamanda Qeydiyyat prosesinin  gedişi  və qeydiyyatından imtina edilən saytların  imtina  səbəbləri ə haqqında məlumatlar verilib. Təşkilat Komitəsinə  daxil olan Müraciətlər  və onların icrası haqqında  da məlumat verilib.

Təşkilat Komitəsinin üzvləri Amid Quliyev və Şaiq Muradov Müsabiqənin səsvermə Qaydaları haqqında Müsabiqə Komissiyası üzvləri üçün təqdimat nümayiş etdiriblər. Qeyd  olunduğu kimi Səsvermənin 2  mərhələdə keçirilməsi nəzərdə tutulub. Birinci mərhələdə səsvermə prosesinin 01 noyabrdan başlanması  və Qeydiyyat prosesi bitən günədək – 30  noyabr tarixədək  davam etməsi nəzərdə tutulub. Yekun səsvermə prosesi 30 noyabr tarixdə  başlanacaq.

Görüşdə Müsabiqə Komissiyası üzvlərindən bəzilərinə aid olan  saytların da qeydiyyatdan keçməsi  haqqında məlumat  verilib. Qeydiyyatdan  keçən saytlara aidiyyatı olan Komissiya üzvlərinə bununla  bağlı yekun  qərara gəlməsi - Qaydalara uyğun olaraq  ya  bu saytların müsabiqədən çıxarılması  ya da Müsabiqə Komissiyası üzvlüyündən imtina etməsi tövsiyə olunub.

Görüşdə Müsabiqə Komissiyası üzvlərini  maraqlandıran suallar cavablandırılıb.

Məlumat üçün bildirək ki,Milli Net Azərbaycan İnternet Forumu tərəfindən ölkədə internet sektorunun inkişafına kömək etmək, ən yaxşı milli internet resurslarımızın  təbliğini aparmaq, informasiya texnologiyalarının populyarlaşmasına dəstək vermək və Azərbaycan dilinin İnternetdə tətbiqini genişləndirmək məqsədilə təsis olunan Milli İnternet mükafatıdır.

01 oktyabr 2009-cu il tarixindən başlayaraq müsabiqədə qeydiyyat start götürüb.  Qeydiyyat prosesi  noyabrın sonunda yekunlaşacaq.  İddiaçılar 2 ay müddətində www.millinet.az saytında qeydiyyatdan keçə bilərlər. Cari ilin sonunda müsabiqənin yekunlaşdırılması və qaliblərin mükafatlandırılması məqsədilə təqdimat mərasiminin keçirilməsi nəzərdə tutulub.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.