Milli Net - Milli İnternet Mükafatı Müsabiqəsinə qeydiyyat prosesi davam edir

08-10-2009 / 11:03

Milli Net - Milli İnternet Mükafatı Müsabiqəsinin Təşkilat Komitəsinin toplantısı keçirilib. Toplantıda  Müsabiqənin  gedişi ilə bağlı məsələlər müzakirə olunub.

Müzakirələrdə millinet.az  saytında istifadəçilərin daha rahatlığı ilə bağlı aparılan təkmilləşdirmələr haqqında məlumat verilib. Qeydiyyat prosesinin daha çevik və effektiv qurulması istiqamətində atılan addımlar , həmçinin statistik məlumatların yerişdirilməsi, sonuncu təsdiqlənən saytların saytda verilməsi də müsbət dəyərləndirilib.

Təşkilat Komitəsinə daxil olan müraciətlərlə bağlı məlumat verilib. Bir sıra saytlar, xüsusilədə bloqlarda Milli Net bannerinin kodunun yerləşdirilməsində problemlərin olması diqqətə çatdırılıb. Java Script –i dəstəkləməyən resurslar üçün əlavə kod  variantının hazırlanması və istifadəçilərə təqdim edilməsi məqsədəuyğun hesab edilib. Həmçinin qeydə  alınan, lakin müəyyən səbəblərdən Milli Net kodunu saytında yerləşdirməyən resurslara Təşkilat Komitəsi adından Qaydaların tələblərinə  əməl edilməsi ilə bağlı məktub göndərilməsi vacib hesab olundu.

Qeydiyyatından imtina edilən saytlarla bağlı Moderatorrların məlumatları dinlənilib. Bu cür saytları təqdim edənlərlə millinet.az vasitəsilə intensiv yazışmaların aparıldığı  imtina olunan saytların  bir çoxunda qüsurların aradan qaldırılmasından sonra yenidən müraciət əsasında təsdiqlənməsi haqqında məlumatlar  verildi

Milli Net saytında, xüsusilə də qeydiyyat prosesindəki yeniliklərlə bağlı saytın “Tez-tez verilən suallar” bölməsində izahedici məlumatların verilməsi məqsədəuyğun hesab edilib.

Müzakirələrdə Müsabiqənin reklam işinin təşkili, Müsabiqə Komissiyasının üzvlərinin toplantısına hazırlıq və s. digər məsələlər ətrafında müzakirələr aparılıb.

Məlumat üçün bildirək ki,Milli Net Azərbaycan İnternet Forumu tərəfindən ölkədə internet sektorunun inkişafına kömək etmək, ən yaxşı milli internet resurslarımızın  təbliğini aparmaq, informasiya texnologiyalarının populyarlaşmasına dəstək vermək və Azərbaycan dilinin İnternetdə tətbiqini genişləndirmək məqsədilə təsis olunan Milli İnternet mükafatıdır.

01 oktyabr 2009-cu il tarixindən başlayaraq müsabiqədə qeydiyyat start götürüb.  Qeydiyyat prosesi  noyabrın sonunda yekunlaşacaq.  İddiaçılar 2 ay müddətində www.millinet.az saytında qeydiyyatdan keçə bilərlər. Cari ilin sonunda müsabiqənin yekunlaşdırılması və qaliblərin mükafatlandırılması məqsədilə təqdimat mərasiminin keçirilməsi nəzərdə tutulub.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.