Milli peykin resurslarından səhiyyə, təhsil, rabitə və digər sahələrdə istifadə mümkündür

15-08-2013 / 13:34
Azərbaycanın ilk milli telekommunikasiya peyki "Azerspace-1"-in resurslarının daxili və xarici bazarlarda realizasiyası ilə bağlı intensiv işlər aparılır.
"Azərkosmos"dan"ICTnews" xəbər xidmətinə verilən məlumata əsasən, bu istiqamətdə aparılan işlər davamlı xarakter daşıyır.
"Peykin imkanlarından təhsil, səhiyyə, rabitə, naviqasiya və digər sahələrdə istifadə tamamilə mümkündür və bu işlər hazırda həyata keçirilir. "Azərkosmos" ASC-nin kommersiya fəaliyyətinin əsas məqsədi peykin tutumlarını bazar konyukturasına uyğun şəkildə müştərilərin istifadəsinə verməkdən ibarətdir. Bu zaman əldə edilmiş peyk resurslarının səhiyyə, təhsil, rabitə və ya istənilən digər məqsədlər üçün istifadəsi sırf müştərinin öz istəyindən asılı olan məsələdir. Misal üçün, müştərilər bu resurslardan istifadə edərək dünyanın müxtəlif bölgələrində yerləşən ofislər arasında "data" şəbəkəsi qura və ya çətin keçilən ərazilərdə rabitə xidmətləri yarada bilərlər", - deyə "Azərkosmos"da bildiriblər.
Qeyd edək ki, "Azərkosmos" yayım şirkətləri ilə "Azserspace1" imkanlarının reallaşdırılması ilə bağlı danışıqlar aparır.
Artıq ATV, ANS, AzTv, "Mədəniyyət", İTV və s. kanalların yayımı milli peyk üzərindən təşkil edilib və xarici televiziya kanalları ilə "Azerspace1" üzərindən yayımın təşkili ilə bağlı danışıqlar aparılır. Bununla yanaşı, "Azərkosmos" data məlumatların ötürülməsi xidmətlərinin göstərilməsi məsələsini də müzakirə edir.
Milli peykin imkanlarından təhsil və səhiyyə sahəsində xidmətlərin təşkilində istifadə etmək üçün böyük imkanlar mövcuddur, lakin bu xidmətləri "Azərkosmos" birbaşa təşkil etmir, onları internet provayderlər və digər operatorlar, peykin resursları vasitəsilə göstərə bilərlər.
(ictnews.az)

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə